Salmos 143:9 - New Testament Psalms and Proverbs in Mixtec Magdalena Peñasco

⁹ Chindee ña'a ni ja na kaku sa nuu ñayii ñatuu ka kunimani nuu sa ma, vaa nuu maa ni kúu nuu kuu chu'u sa te kaku sa.

Salmos 143:9 ပူးပေါင်းရင်းမြစ်များ

Salmos 142:5

Kovaa kuiti nuu maa‑nka ni jikan‑ta'vi sa ja chindee ña'a ni. Chukan kúu ja sa'a ká'an sa nuu ni: “Iya Tátnuni, maa ni kúu nuu kuu chu'u sa, te maa ni kúu iya chíndee chítuu ña'a nani iyo sa ñuu ñayivi a.

Salmos 142:7

Sa'a ni ja na ndayaa ini anua sa ya, vaa kuenda tnu'u ja yinee va'a i in vekaa jini sa, sukan‑va'a na kuu ndachiñu'u ña'a sa. Te sukan, te ñayii ka sa'a ja va'a ja ndaa ma chi ki koo i ki ndi tna'a ña'a i ja jin kuni i sukan ni kunda'vi ini ña'a ni a, vi Su'si.

Salmos 31:15

Nuu nda'a maa ni iyo sa, te máko kua'a ni tnu'u ja jin tnii ña'a ñayii ñatuu ka kunimani nuu sa ma te ka sondikin ña'a i ma.

Salmos 56:9

Te nuna kakan‑ta'vi sa nuu ni a ja chindee ña'a ni a chi ndaka ñayii ñatuu ka kunimani nuu sa ma, jin ndakakayata i jin koo i. Vaa jini sa ja iyo ni ji'in sa, vi Su'si.

Salmos 57:2

Ni‑yu'u ni‑ini sa kakan‑ta'vi sa nuu Su'si iya iyo onde sukun ma, vaa suu ya kúu iya chíndee ña'a.

Salmos 59:1

Su'si maa sa, sa'a ni ja kaku sa nuu ñayii ñatuu ka kunimani nuu sa ma, ja ka kúni i ja jin sa'a ña'a i ja u'vi ma.

Proverbios 18:10

Su'si ma chi sukan kúu in ve'e núkuiñi vava'a kúu ya nuu ñayii sa'a ja va'a ja ndaa ma, vaa nuu maa ya ma jinu i kua'an i, ja na kaku i nuu ja u'vi ma te koo va'a i nuu ya.

Hebreos 6:18

Vaa ka iyo uu tnu'u ja ni ka'an Su'si ma, vaa ni skuiso ya ma, te ja maa ya ma, te masu kuu ndasama. Vaa Su'si ma, masu kuu xnda'vi ña'a ya. Te chukan kúu ja yo'o ja ka ndanduku o ja ko koto va'a ña'a ya a te taa ya ja ka ndetu o ma, te ja sukan ni skuiso ya ma, te ka ndani'i o kua'a tnu'u kanu ini.