Salmos 140:7 - New Testament Psalms and Proverbs in Mixtec Magdalena Peñasco

⁷ Su'si sa Iya Tátnuni, maa ni iyo tnu'u ndee tnu'u ndatnu ja sa'a ni ja kaku sa nuu ja u'vi ma, vaa maa ni ni jasi xini sa a, te ni kaku sa kivi ni ka kanaa sa ji'in ñayii ñatuu ka kunimani nuu sa ma.

Salmos 140:7 ပူးပေါင်းရင်းမြစ်များ

Salmos 144:10

Vaa maa ni chi sa'a ni ja ka kundee rey ma, te sukan ni sa'a ni ja ni kaku David ma tee ni yo jinukuechi nuu ni a, te ñatuu ni ka ja'ni ña'a ñayii ñatuu ni ka yo kunimani nuu de ma.

Salmos 18:35

Te maa ni kúu iya jasi vava'a ña'a, sukan‑va'a kaku sa nuu ja u'vi ma, te nda'a kua'a ni a chíndee ña'a, te iyo va'a sa, te ja va'a xeen ini ni a, te ni sa'a ni ja ni nduu sa ñayii kanuu xeen‑ka.

Salmos 27:1

Iya Tátnuni ma kúu ñu'u xtnuu nuu sa a ja ndása'a sa kuenda, te maa ya sa'a ja kaku sa nuu ja u'vi ma, te ñatuu na in sa'a ja koyu'u sa. Vaa Iya Tátnuni ma kúu iya táa tnu'u ndee tnu'u ndatnu ja koteku sa. Chukan kúu ja masu na in sa'a ja koyu'u sa.

Salmos 31:15

Nuu nda'a maa ni iyo sa, te máko kua'a ni tnu'u ja jin tnii ña'a ñayii ñatuu ka kunimani nuu sa ma te ka sondikin ña'a i ma.

Salmos 59:17

Maa ni táa tnu'u ndee tnu'u ndatnu. Te nuu maa ni kata sa, vaa maa ni kúu Su'si iya sa'a ja kaku sa nuu ja u'vi ma. Vaa maa ni kúu Su'si iya kúnda'vi ini ña'a.

Salmos 62:2

Vaa maa in‑ni ya kúu toto nuu kuu kaku sa ma. Maa ya kúu nuu kuu chu'u sa ma, te ma kotuu sa.

Salmos 62:7

Vaa nuu maa Su'si ma kúu nuu kuu kaku sa te koo jayiñu'u sa. Vaa maa Su'si ma kúu toto nuu kuu koxtnee va'a sa te kaku sa.

Salmos 89:26

Te maa de ndakune'e ña'a, te sa'a ka'an de: Maa ni kúu yuva sa. Maa ni kúu Su'si sa. Maa ni kúu toto nuu kuu kaku sa.

Salmos 95:1

Ne'e koo ni, te ndaka o jín kata sii ini o nuu ya. Te ni‑yu'u ni‑ini o jín ndachiñu'u o Iya Tátnuni ma, vaa maa ya kúu toto nuu kuu jin kaku o ma.