Salmos 132:9 - New Testament Psalms and Proverbs in Mixtec Magdalena Peñasco

⁹ Te ndaka sutu ka jinukuechi nuu ni ma, na jin ndasa'a de ja va'a ja ndaa, te na jin ndusii ini ndaka ñayii ñatuu‑ka na ja u'vi ka sa'a i ma te ka kandija i ja ká'an ni ma.

Salmos 132:9 ပူးပေါင်းရင်းမြစ်များ

Salmos 104:1

Ni‑yu'u ni‑anua sa ndachiñu'u sa Iya Tátnuni ma. Su'si maa sa, Iya Tátnuni, iya ka'nu xeen kúu ni, te kanuu xeen ni, te iyo xeen jayiñu'u ni.

Salmos 132:16

Te sa'a sa ja jin kaku ndaka sutu ma, te sa'a sa ja jin koo sii ini xeen ñayii ñatuu‑ka na ja u'vi ka sa'a i ma.

Salmos 149:5

Jín ndusii ini ndaka o ja ka kuu o ñayii ñatuu na ja u'vi‑ka ka sa'a ma, vaa ja maa ya, te ni ka kundee o nuu ja u'vi ma. Te jín kata o nuu ya, visi ka ndatuu o nuu jito ka kixi o ma.

Salmos 47:1

Ndaka ni ja ka iyo ni ndaka ñuu ma, jin katu nda'a ni, te jin kayu'u ni, jin kata ni ja ka iyo sii ini ni, te sukan jin ndachiñu'u ni Su'si o ma.

Salmos 68:3

Kovaa ñayii ka sa'a ja va'a ja ndaa ma chi jin kandava jin kandita i ja ka iyo sii ini i nuu ni, vi Su'si.

Salmos 70:4

Kovaa ndaka ñayii ka ndanduku ña'a i ndijin ma, vi Su'si, chi jin koo sii ini xen‑xeen i. Te ndaka ñayii ka kuni ja sa'a ni ja jin kaku i nuu ja u'vi ma, ndimaa jin ka'an i: “Su'si o a, iya ka'nu xeen kúu ya”, jin ka'an i.

Salmos 93:1

Iya Tátnuni ma kúu Rey, te iyo xeen jayiñu'u ya. Iya Tátnuni ma kúu iya neva'a ndaka tnu'u ndee tnu'u ndatnu, te maa ya ni sunkani vava'a ñuu ñayivi ya, te másu kotuu i.

Romanos 13:14

Su'va jín ku'un ini o ja maa Jesucristo iya tátnuni nuu o a, te jin ko sa'a o sukan ni yo sa'a ya ma. Te máko jin katanuu o nawa kúu ini yikikuñu o a ja sa'a o ma.

1 Pedro 5:5

Suni ndaka ro'o ja ka kuu ro suchi jaa a jin kandija ja ka ka'an tee nija'nu‑ka ma. Te ndaka ni jin kandija nuu tna'a, te má jin kani ini ja maa ni ka kuu‑ka xi ka ndanuu‑ka ni sana in‑ka ñayii ma: Vaa Su'si ma, masu niniso'o ya te ni masu katanuu ya ja ka ka'an ñayii ja ka jani ini i ja maa i ka kuu‑ka ma, kovaa ja vii ja va'a skuta'vi ya ñayii inuu‑ni jan‑ta'vi i ndaka ñayii ma.

Apocalipsis 19:8

Te ni wa'a ya tnu'u ja kone'nu i sa'ma lino vava'a vivii, te sa'ma ndoo ndoo sa'ma jándute kúu, ka kuu i ka ka'an i. Te sa'ma lino vava'a vivii ma kúu ja va'a ja ndaa ni ka yo sa'a o ja ka kuu o ñayii ka kandija Su'si ma.