Salmos 13:2 - New Testament Psalms and Proverbs in Mixtec Magdalena Peñasco

² ¿Na saa‑ka kii ndo'o neni ini anua sa ya, ja kúxii ini i ndi‑kivi ndi‑kivi a? ¿Na saa‑ka kii kundee suchi ñatuu kúnimani nuu sa ya ja xndo'o xneni ña'a i?

Salmos 13:2 ပူးပေါင်းရင်းမြစ်များ

Salmos 10:18

Vaa maa ni chi chíndee ni ñayii ñatuu na yuva na si'i‑ka i ma, sukan‑va'a ñayii ni sa'a ni ji'in ñu'ú a, máko sa'a‑ka i ja u'vi ma.

Salmos 116:3

Vaa vala‑nka ja kûu sa nkuu, vaa ni kundee kue'e ma nuu sa, te vala‑nka ja kûu sa, te kúxii kúnda'vi ini sa nkuu.

Salmos 17:9

sukan‑va'a má jin kuni ña'a ñayii ñatuu ka kunimani nuu sa ma, vaa ni ka ndakonduu ña'a i, ja jin sa'a ndeva'a ña'a i, te jin ka'ni ña'a i ka kuni i.

Salmos 31:18

Sa'a ni ja jin nduñi'i ñayii ka ka'an tnu'u ñayii ka sa'a ja va'a ja ndaa ma. Vaa másu nde ka tnii i kuenda, te ka ka'an ndeva'a i, te ka saxiko i ñayii ka sa'a ja va'a ja ndaa ma.

Salmos 38:17

Kovaa saña chi ndi‑kivi ndi‑kivi ndáka'án sa ja u'vi ni yo sa'a sa ma, te kuenda masu kundee‑ka ini sa.

Salmos 42:4

Te núkoo núku'un sa, te ndákani ndáka'vi ini sa, te ndáka'án sa naxe ni yo skaka sa kua'a xeen ñayii ma onde ni ka yo kenda koo sa ini ve'e Su'si ma, te ka kayu'u sa ka jita sa ja ka ndachiñu'u sa Su'si ma, te ûni viko ka'nu xeen ni ka yo sa'a sa.

Salmos 6:4

Ne'e ni, vi Iya Tátnuni, te ndasava'a ña'a ni, te kaku sa ja ma kûu sa te skenaa sa maa sa, vaa jâ ni skuiso ni ja kúnda'vi ini ña'a ni.

Salmos 7:2

Vaa sukan ka kuu ndika'a ma, sukan ka kuu i, te nasa yukan, te jin ni'i ña'a i, te jin ka'ni ña'a i, te ñatuu na in chindee‑ka ña'a ja kaku sa nuu i ma, vi Su'si.

Salmos 74:10

¿Na saa‑ka kivi jin xndo'o jin xneni ña'a ñayii ñatuu ka kunimani nuu sa ma? ¿Na saa‑ka kivi jin ka'an ndeva'a ñayii ñatuu ka kunimani nuu sa ma ja kuu ni?

Salmos 74:18

Su'si, kona'a ni ja ndakan ni kuenda nuu ñayii ñatuu ka kunimani nuu ni ma te ka jakundee ña'a i ma te ka ka'an ndeva'a i ja kuu ni ma.

Salmos 8:2

Ja kuechi ñayii ñatuu ka kunimani nuu ni ma, te ni sa'a ni ja suchi kuechi ma, ji'in lulu suchi ka jaxi‑ka ma, ka ndachiñu'u ña'a i maa ni, vi Su'si. Te sukan, te sa'a ni ja jin kasiyu'u ñayii ñatuu ka kunimani nuu ni ma, ji'in ñayii ñatuu ka sa'a sukan tátnuni ni ma.

Salmos 9:6

Ndaka ñayii ñatuu ka kunimani nuu o ma chi ni xnaa ni i ji'in ñuu nuu ni ka iyo i ma, te ni masu na in ndaka'án‑ka ja ni ka iyo i ma, vaa ni xnaa ni ndaka nuu ni ka iyo i ma, vi Su'si.

Proverbios 15:13

Ñayii iyo sii ini anua i ma chi ndijin ndaa na'a nuu i ma ja iyo sii ini i ma, kovaa ñayii kúxii ini ma chi ñatuu na tnu'u sii ini iyo ini anua i ma te ndijin‑ni na'a i.

Mateo 26:38

te jiña'a ya de: ―‍Jini sa ja onde ini anua sa a, kúxii xeen ini i, te ûni kuenda kûu sa kúni sa. Jin kendoo ni ya'a. Másu ko jin kusu ni ―‍kúu ya jiña'a ya.

Lucas 22:53

Ndaka kivi ni yo iyo sa ji'in ndaka ni veñu'u ka'nu ma, te ni ñatuu ni ka tnii ña'a ni, kovaa vitna kúu ora ka sa'a ni ja ka kuni maa ni a, vaa ni kundee maa ja u'vi iyo nuu nee ma nuu ni a ―‍kúu ya jiña'a ya.

Juan 16:6

Su'va ka kuxii xeen ini ni, vaa ni ka'an sa sa'a.

Romanos 9:2

te kúxii xeen ini sa, te tná‑u'vi ini anua sa a.

Filipenses 2:27

Ja ndaa ndija kúu ja ni ku'u xeen de ja sani te kûu de nkuu, kovaa Su'si ma, ni kunda'vi ini ya de, te masu maa in‑ni de chi suni ni kunda'vi ini tna ña'a ya maa sa a, sukan‑va'a masu kuxii xeen‑ka ini sa.