Salmos 113:2 - New Testament Psalms and Proverbs in Mixtec Magdalena Peñasco

² Ja vii ja va'a kúu Iya Tátnuni ma. Onde vitna te ni‑kani ni‑jika jin ka'an vii jin ka'an va'a o ja kuu ya ma.

Salmos 113:2 ပူးပေါင်းရင်းမြစ်များ

Salmos 106:48

Su'si iya tátnuni ñuu Israel a, iya va'a iya vii ini kúu ya. Ni‑kani ni‑jika iyo jayiñu'u ya, te ndaka o ja ka kuu o ñuu maa ya a, jín ketna'a ini o, te sukan jín ndachiñu'u o ya. ¡Jayiñu'u kóo nuu maa Iya Tátnuni ma!

Salmos 115:18

Kovaa yo'o ja ka teku o a chi jín ka'an o ja vii ja va'a ja kuu ya, sukan‑va'a na koo jayiñu'u nuu ya onde vitna, te ni‑kani ni‑jika jín ko sa'a o sukan. ¡Jayiñu'u na koo nuu ya! ¡Aleluya!

Salmos 41:13

Ja vii ja va'a kúu Su'si iya tátnuni ñuu Israel ma, te sukan jín ka'an o ni‑kani ni‑jika. Te sukan kó kuu.

Efesios 3:21

Te ja maa Cristo Jesús ma, te na koo jayiñu'u nuu Su'si ma nuu ka ndatna'a ndaka o ja ni ka nduu o sa'ya ya ma. Te sa'a kó kuu ndi‑kivi ndi‑kivi ni‑kani ni‑jika. Te sukan kó kuu.

Apocalipsis 5:13

Te ni jiniso'o sa ja ka ka'an ndaka ja ka iyo andivi ma, ji'in ndaka ja ka iyo nuu ñu'ú a, ji'in ja ka iyo ichi chii ñu'ú a, ji'in ja ka ñu'u nuu ndute mar ma: Nuu iya núkoo ja tátnuni ya ma, ji'in nuu iya kúu sukan kúu ndikachi jaa ma, kóo jayiñu'u ji'in tnu'u ndee tnu'u ndatnu ni‑kani ni‑jika, ‍ka kuu i ka ka'an i.