Salmos 10:9 - New Testament Psalms and Proverbs in Mixtec Magdalena Peñasco

⁹ vaa kívi i in nuu iyo yu'u ma. Sukan sa'a ndika'a ma ja chú'u ti ini yavi ti ma, sukan iyo tu'va i ja tnii i in ñayii nda'vi ma. Te nú ni tnii i ñayii ma, te ñú'u i ñayii ma kua'an i ji'in ñayii ma onde nuu iyo i ma.

Salmos 10:9 ပူးပေါင်းရင်းမြစ်များ

Salmos 109:31

Vaa maa ni chi koo ni xiñi kua'a ñayii kúnda'vi kúkee ja ñatuu na in kunimani nuu i ma, sukan‑va'a sa'a ni ja na kaku i nuu ñayii ka ka'an ja u'vi ja kuu i ma.

Salmos 12:5

Kovaa sa'a ká'an Iya Tátnuni ma: “Ja kuechi ja ka sa'a ndeva'a ñayii ma ñayii nda'vi ñayii kee ma, te vitna, te ndokuiñi o, te sa'a o ja jin kaku ñayii ka kuxii ka kunda'vi ini ma, ja ka ndo'o ka neni i nuu in‑ka ñayii ma”, kúu ya ká'an ya.

Salmos 140:5

Ñayii yukan, ja ka jani ini i ja maa i ka kuu‑ka ma, ka jito yu'u ña'a i, te ka sa'a i in nuu ka kuni i ja na kêe sa te jin ke'en su'va ña'a i.

Salmos 17:12

Sukan ka kuu ndika'a ma ora jin tnii ti kiti jin kaa ti ma, ji'in kuenda ka kuu ndika'a kuechi ma, ja ka chu'u ti nuu ka kuu ve'e ti ma, sukan ka sa'a ka kuu i.

Salmos 35:10

Ni‑yu'u ni‑ini sa kuña'a sa Su'si ma: “Masu na in‑ka kúu sa'a sukan sa'a ni a, vi Iya Tátnuni, vaa sa'a ni ja ka kaku ñayii nda'vi ka ndo'o ka neni i ma, ja ka sa'a ka kuu ña'a ñayii ka tatnuni‑ka ma, vaa ûni ka ndaxtandee ndi'i kuiti i nawa ka neva'a ñayii nda'vi ma”, kuña'a sa Su'si ma.

Salmos 37:14

Te ndaka ñayii ka sa'a ja u'vi ma, ka kene'e i yuchi kúu espada i ma, te ka ndasatu'va i kuji i ma, sukan‑va'a jin ka'ni i ñayii nda'vi ma, ñayii ñatuu nawa ni'i tna'a i ma, ñayii ñatuu na kuechi i ma. Ndaka ñayii nda'vi ma jin xnaa i ka kuni i.

Salmos 59:3

Vaa jini maa ni ja tee ka jani ini ja maa de ka kuu‑ka ma, ka nduku xeen de ja jin ka'ni ña'a de, te vitna ja masu na ja u'vi sa'a sa, te ni masu na kuechi sa, vi Su'si Iya Tátnuni.

Proverbios 14:31

Ñayii xnda'vi te sa'a ndeva'a i ñayii kúnda'vi ma chi sa'a i ja kúxii ini Su'si iya ni sa'a ña'a ndaka o ma, kovaa ñayii kúnda'vi ini ñayii nda'vi ma chi ndáchiñu'u i Su'si ma ja sukan sa'a i ma.

Proverbios 22:16

Ñayii ndúku ja kuxiku i ma te sa'a ndeva'a i ñayii nda'vi ma ji'in ñayii skuta'vi nawa neva'a i ma nuu ñayii xiku ma, chi ja ndetu ña'a kúu ja ndunda'vi ndukee maa i.

Proverbios 28:15

Sukan kúu oso ma xi ndika'a ma ora ka kokon ti ma, sukan kúu tee netniñu in ñuu nuu ka kunda'vi ñayii ma, ja ndimaa sa'a de ja u'vi ja ñatuu játna ini Su'si ma.

Juan 10:12

Kovaa ñayii jito ti ja ké'en ya'vi i ma chi masu jito ñukuun i ti, vaa ora kénda kiti xeen ma chi xndoo i kiti jito i ma, te jinu i, vaa masu tee kúu ko koto ndikachi ma kúu i, vaa masu ndikachi maa i ka kuu ti ma. Te kiti xeen ma, kenda ti, te tnii ti kiti ma, te xsiu'u ti kiti ma, te katenuu kateni'ni ti ndikachi ma.

Hechos 23:21

Kovaa máko kandija ni, vaa vi'i‑ka uu xiko (40) de jin chu'u ichi ma, te jin kondetu ña'a de, vaa ja ni ka skuiso de in ja u'vi ja jin kuu maa de, ja ma jin kaa de, ma jin ko'o de, nú masu ja onde jin ka'ni de Pablo ma, te vitna chi ka iyo tu'va de ka ndetu de ja sa'a ni sukan ka kuni de ma ―‍kúu i jiña'a i.