Salmos 10:4 - New Testament Psalms and Proverbs in Mixtec Magdalena Peñasco

⁴ Ñayii sa'a ja u'vi ma, ja jani ini i ja maa i kúu‑ka ma, ká'an i ja ñatuu na Su'si ma iyo. Va ni a vala masu nde ndakune'e i Su'si ma ndaka ja jani ini i ma.

Salmos 10:4 ပူးပေါင်းရင်းမြစ်များ

Salmos 101:5

Te ñayii ká'an tnu'u in tna'a i ma chi sa'a sa ja na kasi yu'u i, te ñayii sa'a vixi ja maa i kúu‑ka ma te ñu'u ini i tna'a ja masu nde jiniñu'u ma chi masu kua'a sa tnu'u ja ka'an‑ka i.

Salmos 18:27

Vaa maa ni chi sa'a ni ja jin kaku ñayii ka kuxii ka kunda'vi ini i ma, kovaa sa'a ni ja jin ndakukan‑nuu ñayii ka jani ini ja maa i ka kuu‑ka ma.

Salmos 27:8

Vaa ini anua sa ya sa'a ká'an: “Va'a‑ka ja na ndanduku o Su'si ma”, kúu sa ká'an sa. Te chukan kúu ja ndánduku ña'a sa a, vi Su'si Iya Tátnuni.

Salmos 36:1

Maa ja u'vi sa'a ñayii játna ini ja sa'a i ja u'vi ma, jiña'a i ini anua ñayii ma ja máko ku'un ini i ja koyu'u i Su'si ma.

Salmos 53:1

Ñayii ñatuu kuiti ndása'a kuenda ma chi jani ini i ini anua i ma ja masu na Su'si ma iyo. Te ndaka ñayii yukan ma chi ka kuneé ka ku‑uun‑nka i, te ndimaa ja u'vi ma‑ni ka sa'a i, tna'a ja masu nde játna ini Su'si ma. Te ni a in i ñatuu sa'a ja va'a.

Salmos 73:11

Te ka ka'an i: “Másu kuni Su'si ma ndaka ja ka sa'a o a. Iya iyo onde sukan ma ni masu ndasa'a maa ya kuenda”, ka kuu i ka ka'an i.

Proverbios 21:4

Ñayii nde'ya kini in‑ka ñayii ma xi kuvixi maa i ja jani ini i ja maa i kúu‑ka ma xi jani ini i ja sa'a i ja u'vi ma, chi ja sukan sa'a i ma chi jâ ni jiso kuechi i nuu Su'si ma.

Proverbios 30:13

Suni ka iyo ñayii ka jani ini i ja maa i ka kuu‑ka sana jaku‑ka ñayii ma, te ka saxiko i ñayii yukan.

Proverbios 30:9

Vaa nuna ko ni'i ko tna'a sa ma chi nasa yukan, te ndunaa ña'a sa te ka'an sa ja masu jini ña'a sa, te nuna ko kunda'vi ko kukee sa ma chi nasa yukan, te sakui'na sa, te ja kuechi sa te jin ka'an ndeva'a ñayii ma ja kuu ni, vi Su'si.

Proverbios 6:17

Ñayii ndee xeen nuu i ma ja jani ini i ja maa i kúu‑ka ma, ñayii ka'an tnu'u ma, ñayii ja'ni ñayii ñatuu na kuechi ma,

Marcos 7:21

Vaa onde ini anua ñayii ma ka ñu'u ndaka ja u'vi ma, te chukan kúu ja kénda ja ka jani ini i ma, ja jin kivi nduu i ji'in ndi‑in ndi‑in ñayii ñatuu ni ka tnanda'a ji'in i ma, ji'in ja jin sakui'na i ma, ji'in ja jin ka'ni tna'a i ma,

Hechos 8:22

Chukan kúu ja va'a‑ka ndakani ndaka'vi ini ni ja u'vi sa'a ni a, te ndakan‑ta'vi ni nuu Iya Tátnuni ma saa kuu‑ni‑nka ndasakanu ini ña'a ya ja u'vi ni jani ini ni a.

Romanos 1:21

Te visi jâ ka jini ñayii ma ja iyo Su'si o a, kovaa ñatuu ka ndachiñu'u i maa ya ja kúu ya Su'si ma, te ñatuu ni ka ndakuan‑ta'vi i nuu ya, su'va ni ka sa'a ndee i ini anua i ma, te ni ka ndandesi ini anua i ma.

Romanos 1:28

Te kuechi ja ñatuu ka kandija i Su'si ma, te ni sa'a ya ja janitnuni i ma ni ka nduneé, ni ka ndu‑uun‑nka, te ñatuu nde ka ndasa'a i kuenda ja masu nde jiniñu'u ndaka ja ka sa'a i ma.

Efesios 2:12

Te kivi yukan ma, ñatuu ni ka yo iyo ni ji'in Cristo ma, te ni ka yo iyo jika ni ñuu Israel ma, te ñatuu ni ka yo sa'a ni ja ni tatnuni Su'si ma sukan‑va'a jin koo va'a o ji'in ya ma te jin ni'i o ndaka ja ni skuiso ya nuu o ma. Te ni ka iyo ni ñuu ñayivi a, kovaa masu ni iyo Su'si ma ji'in ni, te ñatuu na ja va'a ni ka yo ndetu ni ja jin ni'i ni ma.