Salmos 10:3 - New Testament Psalms and Proverbs in Mixtec Magdalena Peñasco

³ Vaa ñayii sa'a ja u'vi ma chi kúvixi maa i ja ñu'u ini i ja sa'a i ma, te ká'an i ja vii ja va'a ja kuu ñayii ndiyo ini ma, te saxiko i Iya Tátnuni ma.

Salmos 10:3 ပူးပေါင်းရင်းမြစ်များ

Salmos 35:21

Ka kayu'u ka kayu'u‑nka i ja ka jakundee ña'a i, te ka ka'an i: “Jin konde'ya ni, te jin kuni ni naxe kuu kuu‑nka tu tee ka nde'ya o a”, ka ka'an i.

Salmos 49:18

Vaa visi nani ka téku i ma, te ka jani ini i: “Ja vava'a kúu yo'o, vaa iyo jayiñu'u o ja kúndee o ní'i tna'a‑ka o ma”, ka jani ini i,

Salmos 49:6

Vaa maa i chi ka kukanu ini i ndaka ja ka neva'a i ma, te ka kuvixi i ja kua'a xeen ja ka neva'a i ma.

Salmos 5:6

Te xnaa ni ndaka ñayii ka ka'an tnu'u ma, ji'in ndaka ñayii ka xnda'vi tna'a ma, ji'in ndaka ñayii ka ja'ni tna'a ma, te masu kuan‑ta'vi ni i nuu iyo ni a, vi Iya Tátnuni.

Salmos 52:1

Tee kanuu xeen, ¿nava'a kúvixi xeen ni, ja ndimaa ja u'vi ma sa'a ni? Te vitna ja Su'si ma ja kúu sa'a ya ndaka ma chi su'va ndimaa kúnda'vi ini ya ñayii ma.

Salmos 94:4

¿Na saa‑ka kivi jin sa'a vixi ñayii yukan maa i ja maa i ka kuu‑ka ma, ja ndimaa ja u'vi ma ka sa'a i ma te ka ka'an ndeva'a i ma?

Proverbios 28:4

Ñayii ñatuu kándija sukan ká'an tnu'u ni kaxtnu'u Su'si ma nuu Moisés ma chi jani ini i ja in jayiñu'u xeen kúu ja ka sa'a ñayii ka sa'a ja u'vi ma, kovaa ñayii kándija te sa'a i sukan ká'an tnu'u Su'si ma chi su'va jasi ndee i nuu ñayii ka sa'a ja u'vi ma sukan‑va'a má jin sa'a‑ka i ja u'vi ma.

Lucas 12:15

Suni jiña'a tna ya: ―‍Jin kani va'a ini ni nasa yukan, te jin ndiyo xeen ini ni ja jin koneva'a ni kua'a xeen ndatniñu, vaa masu ja koneva'a kua'a o ndatniñu ma, te sa'a i ja ndani'i ta'vi o ja koteku o ni‑kani ni‑jika chi ña'a ―‍kúu ya jiña'a ya.

Lucas 12:19

Sani te ka'an o: Neva'a o kua'a xeen ndatniñu ni tava'a o a, jâ kanda i kua'a xeen kuiya. Ndátatu o, káa o, kó'o o, kóo sii ini o”, kúu de ká'an de.

Romanos 1:29

Te ndimaa ja u'vi kúu ndaka ja ka sa'a i ma, vaa ka kivi nduu i ji'in ñayii ni masu ni ka tnanda'a ji'in i ma, te ka iyo i ja ka skiti ini i in‑ka ñayii ma, inundiyo ini i ma, ka sa'a i ja u'vi ma, ka kukueñu ini i ma, ka ja'ni tna'a i ma, ka kanaa i ma, ka xnda'vi tna'a i ma, ka ka'an neé ka ka'an ñuu i ma,

Romanos 1:32

Visi jâ ka jini i sukan jani ini Su'si ma ja ñayii ka sa'a sukan ma ka kuu ñayii jin kûu ma, kovaa sukan‑ka ka sa'a i. Te masu ka iyo sii ini i ja maa‑ni i ka sa'a sukan ma, chi su'va ka kuni i ja ndaka‑ka ñayii ma na jin ko sa'a sukan ka sa'a i ma.

1 Corintios 6:10

Te ni a ñayii sakui'na ma, ni a ñayii inundiyo ini ma, ni a ñayii ka ndajini ma, ni a ñayii ka ka'an ja u'vi ma, ni a ñayii ka xnda'vi tna'a te ka sakui'na tna'a i ma, te ndaka ñayii ka sa'a sa'a ma, masu kuu jin ndani'i ta'vi i nuu tatnuni Su'si ma.

Efesios 5:5

Vaa ka jini ni ja ñayii ka kivi nduu ji'in in‑ka ñayii ñatuu ni ka tnanda'a ji'in i ma, ji'in ñayii ka sa'a ja u'vi ma, ji'in ñayii ka ndiyo ini ma, inuu‑ni ka kuu i ji'in ñayii ka ndachiñu'u tna'a ja masu Su'si ka kuu ma, vaa saa ka jatanuu i ndaka chukan te ka xndoo i Su'si ndija ma. Te ni‑in ñayii ya'a, masu kuu jin koo i nuu tatnuni Cristo ma ji'in Su'si ma, nuu ni skuta'vi ya ñayii ka sa'a ja va'a ja ndaa ma.

Colosenses 3:5

Jin ku'un ini ni ja másu ko jin ko sa'a‑ka ni sukan ka sa'a ñayii ñuu ñayivi ya, ja ka sa'a i sukan ka kuu ini maa i ma, te ka satne'e i ini anua i ma, te ka sa'a ndeva'a ndekuu‑ni i maa i ma, te ka ndiyo ini i ja jin koneva'a i ndaka ja iyo ñuu ñayivi a, te ka sa'a i sukan ka sa'a ñayii ka ndachiñu'u tna'a ja masu Su'si ka kuu ma.

Santiago 4:13

Vitna, te jin koniniso'o ni, ndijin ja ka ka'an ni sa'a: “Vitna xi yutnee te jín koo o ñuu yukan, te jin koo o in kuiya, te jin kuaan o ndatniñu, te jin ndaxiko o, te jin ni'i o xu'un.”

Santiago 4:16

Kovaa ndijin chi ka ka'an ni sukan ka ka'an ñayii ka jani ini i ja maa i ka kuu‑ka ma te ñatuu ka jiniñu'u i Su'si ma. Te ndaka cha'a chi ja u'vi kúu.

1 Juan 2:15

Máko jin kutoo ni ñuu ñayivi a ni ja ka iyo ñuu ñayivi a. Nú na in kútoo‑ka i ñuu ñayivi a, masu kútoo i Yuva o Su'si ma.