Salmos 1:3 - New Testament Psalms and Proverbs in Mixtec Magdalena Peñasco

³ Te ja sukan sa'a i ma, te ko kuu i sukan kúu yutnu núkoo yu'u yute ma, ja kúun nde'ya tnu ma yoo iyo ja kuun i ma, te ni‑kani ni‑jika iyo kuii nda'a tnu ma. Te chukan kúu ja ndaka ja sa'a ñayii yukan chi kee va'a.

Salmos 1:3 ပူးပေါင်းရင်းမြစ်များ

Salmos 128:2

Te ora satniñu ni ji'in nda'a ni ma, sana ní'i ni nawa jaa ni ma chi, ¡naka vava'a‑ka kuu ni, te va'a‑ni ko kuu ni!

Salmos 129:8

Te ni a ñayii jin ya'a kuan koo ma, masu jin kuña'a i: “Su'si Iya Tátnuni ma, na skuta'vi ña'a ya ja vii ja va'a.” Ni a jin kuña'a i nuu ñayii ya'a: “Ja maa Su'si ma, te ka ka'an sa ja vii ja va'a ja jin kuu ni”, chi ña'a.

Salmos 92:14

Te visi ni ka kuu nija'nu i ma, kovaa jin sa'a i ja vii ja va'a ma, te ndimaa jin koo tnu'u ndee tnu'u ndatnu i, te sukan, te jin kuni ñayii ma ja ka iyo ndee ka iyo ndatnu i.

Salmos 92:15

Te ja sukan ma, te ka kaxtnu'u i nuu ñayii ma ja Su'si Iya Tátnuni ma kúu iya wa'a tnu'u ndee tnu'u ndatnu ma iya sa'a ndaa sa'a ndija ma, te maa ya chi masu nde sa'a ndeva'a ya ñayii ma, vaa iya va'a ini kúu ya.

Mateo 13:6

Kovaa nuu ni jinu kandii ma, te ni ka kayu i, te ni ka yichi i, chi vaa masu ni ka ni'i yo'o va'a i.

Mateo 21:19

Te ni jini ya in tnu higo yu'u ichi ma. Kovaa ñatuu na nde'ya tnu ma ni ni'i ya chi nanimaa nda'a tnu ma kúu. Sani te jiña'a ya nuu tnu higo ma: ―‍¡Masu kuun‑ka higo ro! ―‍kúu ya jiña'a ya. Te ora yukan‑ni, te ni yichi tnu.

Mateo 21:34

Te maa kivi kuáan i ma, te ni tetniñu de tee ka jinukuechi nuu de ma ja jin koo de jin nu ke'en de jaku uva ja ni kuaan ma nuu ñayii ka jito itu de ma.

Mateo 21:41

Te tee ka tatnuni nuu sutu ma, ji'in tee ka kuu ja'nu ma, ka jiña'a de: ―‍Xndo'o xneni de suchi ka jito itu de ma, te ka'ni de i, te kua'a de ñu'ú de ma siin‑ka ñayii ja jin satniñu i, te jin ndakua'a i ja kee itu de ma kivi kuaan i ma ―‍ka kuu de ka jiña'a de.

Juan 15:6

Nú na in xndoo ña'a te ma koo‑ka i ji'in sa, te kene'e siin ya i, te yichi i sukan yichi nda'a tnu ma. Te ndaxtutu ya i, te ka'mi ya i nuu ñu'u ma, te kayu koko i.

Judas 1:12

Tee ya'a chi iyo yika ja ndatna'a o ji'in de, vaa ora ka sa'a ni viko ma chi ja ka ndi ini‑ka de kúu ja jin kaa jin ko'o maa de, te ñatuu ka ndi ini de ja jin kuu in‑ka ñayii ma. Sukan ka kuu viko ma ja ñatuu na ndute ka ndiso i ma ja ñu'u kua'an ñu'u vee ña'a tachi yi'i ma, sukan‑ni ka kuu de. Xi sukan kúu in yutnu iyo ja kuun javixi ma te ni ñatuu nawa ni kuun ma, sani te ni jinu kuiya tnu, te ni yichi tnu, te sani te ka tava i onde yo'o tnu ma, sukan‑ni ka kuu tee ya'a.

Apocalipsis 22:2

Te sasava ichi kanuu‑ka iyo ini ñuu yukan ma jika ndute ma. Te nduu nduu yu'u yute ma núkoo in yutnu kúun ja sa'a ja koteku o ma. Te uxi uu jichi nde'ya tnu ma kúun. Te in in jichi kúun ja in in yoo ma. Te nda'a tnu ma kúu ja jin nduva'a ñayii ka ku'u ndaka ñuu ma.