Romanos 2:6 - New Testament Psalms and Proverbs in Mixtec Magdalena Peñasco

⁶ Te ndi‑in ndi‑in o jin ndani'i jin ndatna'a nde a kúu ja ni ka sa'a, ni ka kuu o nuu ya ma.

Romanos 2:6 ပူးပေါင်းရင်းမြစ်များ

Salmos 62:12

Saa vi, Su'si, nuu maa ni iyo tnu'u nda'vi ini ma, te maa ni ndakan kuenda nuu ndi‑in ndi‑in ñayii ma nawa ni ka yo sa'a, ni ka yo kuu i ma, te ndakua'a ni i nawa iyo ja jin ndani'i ndi‑in ndi‑in i ma.

Proverbios 24:12

vaa visi na ka'an ni: “Masu ni ka jini kuiti sa ja sukan ko kuu ma”, ¿jani ini ni ja masu jini iya jini nawa jani ini o ma te ma ndakan ya kuenda te ndachunaa ñayii ma nawa sa'a i ma?, vaa nde'ya ya onde ini anua ni a, te jini ya ndaka, te ndataa ya nuu ndi‑in ndi‑in o ja va'a xi ja u'vi ni ka yo sa'a o ma.

Proverbios 24:2

vaa ini anua i ma chi nanimaa ja jin sakui'na i xi jin sa'a ndeva'a i ka ñu'u ini i, te ndimaa tnu'u ndeva'a ka ka'an i.

Proverbios 26:10

Sukan kúu in tee yinda'a kuji de ma ja xtnakue'e de ndeva'a‑ni ñayii ní'i de ma, sukan kúu ñayii ni nduku tee ndee ini ma ja kunukuechi de nuu i ma.

Mateo 16:27

Chi vaa saña ja kúu sa iya vee ñayivi ñuu ñayivi a chi ndii sa ji'in jayiñu'u Yuva sa ma, ji'in ndaka ángel ka jinukuechi nuu ya ma, te kivi yukan, te ndakua'a sa nuu ndi‑in ndi‑in ñayii ma sukan ni ka sa'a ni ka kuu i ma.

Romanos 14:22

¿Kúkanu ini ni nuu Su'si ma ja kuu kaa ni? Sukan kani ini maa ni nuu Su'si ma. Vaa ja va'a kúu ñayii ñatuu nawa ndaxtekuechi ña'a ja jani ini i ja kuu sa'a i ma.

1 Corintios 3:8

Te inuu ka kuu ñayii ni sunkoo ma ji'in ñayii yoso ma, kovaa maa maa i jin ndani'i sukan ni ka satniñu i nuu Su'si ma.

1 Corintios 4:5

Chukan kúu ja máko jin ka'an yachi‑ni ni nawa kúu. Va'a‑ka ja na jin kondetu o ja kenda kivi ndenda Iya Tátnuni ma, vaa maa ya ndakaxtnu'u tna'a ja ka iyo yu'u nuu nee ma, te maa ya ndakaxtnu'u nawa ni jani ini anua o ma ja sa'a o ma, te sani te ndi‑in ndi‑in o ja ni ka sa'a o ja va'a ma jin ndani'i jayiñu'u nuu Su'si ma.

2 Corintios 11:15

Chukan kúu ja masu ja ko sanuu o kúu, vaa suni tee ka jinukuechi nuu tachi ma chi ka ndane'e de, te ka xnda'vi ña'a de ja ka jinukuechi de nuu Su'si ma. Kovaa ja sukan ka sa'a ka kuu de ma, te sukan ndaxndo'o ndaxneni‑ka ña'a Su'si ma.

2 Corintios 5:10

Vaa jín kona'a o ja iyo ja ndenda koo ndaka o nuu núkoo Cristo ma ja ka'nde ya tniñu ndaka o ma, sukan‑va'a ñayii ni ka yo sa'a ja va'a ma ñuu ñayivi a, jin ndani'i i ja va'a ma, te ñayii ni ka iyo sa'a ja u'vi ma ñuu ñayivi a, jin ndani'i maa i ja u'vi ma.

2 Timoteo 4:14

Te Alejandro tee sa'a ndatniñu ka kuu kaa ma, ni sa'a xeen ña'a de ja u'vi, te maa Iya Tátnuni ma na ndakan kuenda nuu de, te na ndachunaa de ndaka ja ni sa'a ña'a de ma.

Apocalipsis 2:23

Te sa'ya ña ma, xtnakue'e ri i, te jin kûu i, te ndaka ñayii ka ndatna'a ndaka ñuu ma, jin kuni i ja maa ri kúu iya jinitnuni nawa ka ñu'u ini anua ñayii ma ji'in ndaka nawa ka jani ini i ja jin sa'a i ma, ndaka jini ri te maa ri ndakua'a nuu ndi‑in ndi‑in ñayii ma nawa ni ka yo sa'a ni ka yo kuu i nuu ri ma, nú ja va'a xi ja u'vi.

Apocalipsis 20:12

Te ni jini sa ñayii ni ka ji'i ma, ñayii nija'nu ma ji'in suchi kuechi ma, ka nukuiñi i nuu Su'si ma, te ni ka ndanune libru ma, te suni ni ndanune in‑ka libru, te libru ya'a kúu ja ka'an nde ñayii jin koteku ma, te sukan ka ka'an libru ma ni ndakan ya kuenda nuu ñayii ni ka ji'i ma nawa ni ka yo sa'a, ni ka yo kuu maa i ma nuu ni ka yo iyo i ñuu ñayivi a.

Apocalipsis 22:12

Te ká'an Jesús ma: ―‍Sani te kenda yachi sa, te yinda'a sa ja skuta'vi ña'a sa, sukan‑va'a ndataa sa nuu ndi‑in ndi‑in ni sukan ni ka satniñu ni ma.