Romanos 2:3 - New Testament Psalms and Proverbs in Mixtec Magdalena Peñasco

³ Te ndijin ja xtekuechi ni tna'a ni ma te sa'a ni ja ka sa'a i ma, ¿jani ini ni ja kaku ni nuu Su'si ma kivi ndakan ya kuenda nuu ni ma?

Romanos 2:3 ပူးပေါင်းရင်းမြစ်များ

Salmos 50:21

Ndaka cha'a ni yo sa'a ni, te saña chi ni jasiyu'u sa. Te jani ini ni ja saña, te kúu sa sukan kúu ni a. Ña'a. Vaa saña chi sa'a sa ja ndakuni ni ndaka ja u'vi ni yo sa'a ni yo kuu ni ma.

Salmos 56:7

Su'si, kivi kenda ja ndakiti ini ni nuu ndaka ñayii ka sa'a ja u'vi ma, te ndakan maa ni kuenda nuu ñayii ka kuni u'vi nuu sa ma, te jín ndatna'a maa i ja kan‑nuu, ja ka iyo i ñuu yukan.

Proverbios 11:21

Vaa ñayii ka sa'a ja u'vi ma chi masu yanduu ja jin ndando'o jin ndaneni maa i ja ka sa'a ka kuu i ma, kovaa ñayii ka sa'a ja va'a ja ndaa ma chi vivii jin kaku i nuu tnundo'o ma ji'in sa'ya tata i ma.

Proverbios 16:5

Su'si ma chi saxiko ya ñayii inuvixi xeen ka ndaa i ma te ka jani ini i ja maa i ka kuu‑ka ma, te ja sukan ka sa'a i ma chi masu yanduu ja ndaxndo'o ndaxneni ña'a Su'si ma, vaa iya sa'a ndaa kúu ya.

Mateo 23:33

’¡Sukan ka kuu koo ma ka kuu ndaka ni! Masu jin kaku‑ka ni, vaa jâ iyo ja jin ndachunaa ni nuu andeya ma.

Mateo 26:53

¿Xi ka jani ini ni ja masu kuu kakan‑ta'vi sa nuu Yuva sa ma, te tetniñu ya kua'a xeen ángel?

Lucas 12:14

Jesús ma, ni ndakone'e ya: ―‍Ndijin, ¿na in ká'an ja saña kúu in tee ja'nde tniñu, xi in tee ja'nde ñu'ú? ―‍kúu ya jiña'a ya.

Lucas 22:58

Nuu ni kunuu‑ka ma in‑ka ñayii jiña'a nuu Pedro ma sa'a: ―‍Ndijin tna chi tee ka ndikin tna'a ji'in tee yukan kúu ni ―‍kúu i jiña'a i. Kovaa Pedro ma, ni ndakone'e de: ―‍Ña'a, masu nama ka ndikin tna'a sa ji'in de ―‍kúu de jiña'a de.

Lucas 22:60

Pedro ma, jiña'a de: ―‍Ndijin, masu jini sa nawa kúu ja ká'an ni a ―‍kúu de jiña'a de. Te maa ora yukan‑ni, nani yikuu‑ka Pedro ma ká'an de ma, te ni kana in li'li ma.

Romanos 1:32

Visi jâ ka jini i sukan jani ini Su'si ma ja ñayii ka sa'a sukan ma ka kuu ñayii jin kûu ma, kovaa sukan‑ka ka sa'a i. Te masu ka iyo sii ini i ja maa‑ni i ka sa'a sukan ma, chi su'va ka kuni i ja ndaka‑ka ñayii ma na jin ko sa'a sukan ka sa'a i ma.

Romanos 2:1

Vaa masu kuu yanduu ja sa'a ja kúu ni a, ndeva'a‑ni na in kúu ni. Ndijin ja xtekuechi ni tna'a ni ma, te maa ni, ndáxtekuechi ni maa ni, te jiso kuechi maa ni, vaa tna'a ja xtekuechi ni tna'a ni ma, chukan kuiti kúu ja sa'a maa ni a.

Romanos 2:2

Vaa ka jini o ja maa Su'si ma ka'nde tniñu ñayii ka sa'a ndaka ja u'vi ma, te sukan, te jin ndachunaa ndi'i jin ndachunaa tu'u maa i ja ka sa'a i ma.

Romanos 9:20

Kovaa ndijin, ¿na in kúu ni ja ndakuña'a ni nuu Su'si ma ja masu ni sa'a ya ja va'a ma? ¿Xi vasu ñu'u ma, te kuña'a i nuu tee ni sa'a ña'a ma: “¿Nava'a ni sa'a ña'a ni sa'a?”

1 Tesalonicenses 5:3

Nú ñayii ma, ka ka'an i: “Ndaka iyo nañii”, sani te kenda yachi ja jin ndo'o jin neni ñayii ma. Sukan keja'a ja u'vi in ña'a ja kâku sa'ya ña ma, sukan jin ndo'o i, te ñatuu ndenu kuu jin chu'u i ja jin kaku‑ka i.

Hebreos 12:25

Jín ko koto va'a o maa o, nasa jin saxiko o iya ká'an nuu o a. Vaa ñayii ni ka saxiko ja ni ndaka'an‑so'o Su'si ma nuu i ñuu ñayivi a chi ñatuu ni ka kaku i. Te yo'o tna, nuna jin saxiko o iya iyo onde andivi ma, ja ndáka'an‑so'o ya nuu o a, chi kuiti masu jin kaku o.

Hebreos 2:3

Te nú sukan, te yo'o, ¿naxe jin kaku o, nuna jin xtaya o te jin skenaa o ja ka'nu xeen ni taa Su'si ma, ja jâ ni ka kaku o nuu ja u'vi ma? Vaa tnu'u ya'a chi maa Iya Tátnuni ma ni kaxtnu'u nuu ñayii ni ka jiniso'o xinañu'u kuiti ma, te ni ka yo ndaka'an i nuu yo'o ja sukan ko kuu.