Romanos 2:2 - New Testament Psalms and Proverbs in Mixtec Magdalena Peñasco

² Vaa ka jini o ja maa Su'si ma ka'nde tniñu ñayii ka sa'a ndaka ja u'vi ma, te sukan, te jin ndachunaa ndi'i jin ndachunaa tu'u maa i ja ka sa'a i ma.

Romanos 2:2 ပူးပေါင်းရင်းမြစ်များ

Salmos 145:17

Ndaka cha'a sa'a kúu Iya Tátnuni ma, te ka jini o ja iya sa'a ndaa sa'a ndija kúu ya, te ndaka ja sa'a ja kúu ya ma, te káxtnu'u ya ja nda'vi xeen ini ya.

Salmos 9:4

Vaa maa ni kúu iya ja'nde ndaa tniñu ñayii ma, te ni nukoo ni nuu núkoo ni ma, te ni ja'nde ndaa ni tniñu sa ma ji'in ñayii ñatuu ka kunimani nuu sa ma.

Salmos 96:13

nuu maa Iya Tátnuni ma, iya ni kii ñuu ñayivi a ja ni jito ya naxe ka sa'a ka kuu ñayii ma, ji'in ndaka ja ka iyo ñuu ñayivi a. Te maa ya tátnuni nuu ndaka ñayii ka iyo ni‑ka'nu ñuu ñayivi a, te ndakan ndaa ya kuenda nuu i.

Salmos 98:9

nuu maa Su'si o Iya Tátnuni ma iya ni ki koto naxe ka sa'a ka kuu o ja ka iyo o ñuu ñayivi a. Te sa'a ndandaa ya, te ndakan ndandaa ya kuenda nuu ndaka ñayii ka iyo ni‑ka'nu ñuu ñayivi a.

Hechos 17:31

Vaa maa Su'si ma, ni kaji ya in kivi ja sa'a ndaa ya, te maa Sa'ya ya iya ni tetniñu ñayivi ya ni kii ya ñuu ñayivi ya kúu iya ndakan ndaa kuenda nuu ndaka ñayii a. Te chukan kúu ja ni kaxtnu'u ya ja sukan ko kuu, vaa ni ndaxteku ya Sa'ya ya ma ―‍kúu de jiña'a de.

Romanos 2:1

Vaa masu kuu yanduu ja sa'a ja kúu ni a, ndeva'a‑ni na in kúu ni. Ndijin ja xtekuechi ni tna'a ni ma, te maa ni, ndáxtekuechi ni maa ni, te jiso kuechi maa ni, vaa tna'a ja xtekuechi ni tna'a ni ma, chukan kuiti kúu ja sa'a maa ni a.

Romanos 2:3

Te ndijin ja xtekuechi ni tna'a ni ma te sa'a ni ja ka sa'a i ma, ¿jani ini ni ja kaku ni nuu Su'si ma kivi ndakan ya kuenda nuu ni ma?

Romanos 2:5

Kovaa ja sukan ndee ini ni a te ñatuu ndákani ndáka'vi ini ni a, sa'a ni ja ndákiti xeen ini Su'si ma nuu ni, kivi kenda ja ndakan ndi'i ndakan tu'u ya kuenda nawa ni yo sa'a, ni yo kuu ni ma.

Romanos 9:14

¿Te naxe jin ka'an o? ¿Ja Su'si ma, ñatuu sa'a ndaa ya? ¡Ña'a kuiti!

Apocalipsis 16:5

Te ni jiniso'o sa ja ká'an ángel ni sa'a ja ni nduu ndute ma niñi ma: ―‍Iya sa'a ja ndaa, Iya Tátnuni kúu ni, vi Su'si. Te maa ni ni iyo onde xi'na ma, te maa ni iyo vitna a, vaa iya ii kúu ni, te ñatuu játna ini ni ja jin ko sa'a sa'ya ni ma ja u'vi ma, te ka yikuu maa ñayii ni ka sa'a ja u'vi ma ka ndachunaa i.

Apocalipsis 19:2

Vaa sa'a ndaa sa'a ndija ya, te ni sa'a ya ja jâ ni ndachunaa ña'a kúneé kú‑uun ma ja u'vi ni yo sa'a ña ma, vaa ni yo sa'a ña ja jin ko sa'a ñayii ma ja u'vi sukan ni yo sa'a ña ma, te jâ ni ndachunaa ña ja ni yo ja'ni ña ñayii ni ka yo jinukuechi nuu Su'si o a, ka kuu i ka ka'an i.