Romanos 13:4 - New Testament Psalms and Proverbs in Mixtec Magdalena Peñasco

⁴ Vaa ñayii ka netniñu ma, ñayii ka jinukuechi nuu Su'si ma ka kuu i, sukan‑va'a jin koo va'a ni. Kovaa nú na in sa'a ja u'vi ma, te kóyu'u i. Vaa masu saneé sañuu‑ni kúu ja ka iyo ñayii ka netniñu ma, vaa ka iyo i ja kuu jin xndo'o jin xneni i ñayii ka sa'a ja u'vi ma. Vaa ñayii ka jinukuechi nuu Su'si ma ka kuu i, te kuu jin sa'a i ja jin ndachunaa ñayii ka sa'a ja u'vi ma, te jin ndo'o jin neni i kuechi ja u'vi ni ka sa'a i ma.

Romanos 13:4 ပူးပေါင်းရင်းမြစ်များ

Proverbios 16:14

Rey tee netniñu ma chi nuna ndakiti ini de chi kuu tatnuni de ja jin ka'ni i ñayii ma, kovaa in ñayii ndichi ma chi kuu sa'a i ja ndukuee ini de.

Proverbios 20:2

Nuna ndakiti ini rey ma chi masu kaku maa ñayii ni sa'a ja ni ndakiti ini de ma, vaa sukan ndúxeen ndika'a ma, sukan iyo de ja kuu sa'a de.

Proverbios 20:26

Rey tee ndichi ma chi sa'a siin de ñayii ka sa'a ja u'vi ma, te xnaa de i sukan sa'a yoso mulinu ma triu ma ja vii jaxi i ma.

Proverbios 20:8

Ora jínkoo rey ma nuu ndákan de kuenda nuu ñayii ma chi yika‑ni ja nde'ya de ma, te ka jikayata maa ñayii ka sa'a ja u'vi ma.

Romanos 12:19

Máko jin ndachunaa maa ni ja u'vi ni ka sa'a ña'a ñayii ma, ndijin ja ka kutoo tna'a o a, su'va jin xndoo ni nuu nda'a maa Su'si ma. Vaa sa'a ká'an tnu'u maa ya a: “Maa sa ndachunaa, ká'an Iya Tátnuni ma.”

Romanos 13:6

Te chukan kúu ja ka chuya'vi ni na tniñu ka sa'a ka kuu ni ma nuu tee ka netniñu ñuu ni ma. Vaa ñayii ka jinukuechi nuu Su'si ma ka kuu de, te ka jatanuu de ñuu ni ma.

1 Tesalonicenses 4:6

Te ni‑in ni má sa'a u'vi tna'a, ni a xnda'vi tna'a, vaa ndaka cha'a jin ndachunaa o kivi ndakan Iya Tátnuni ma kuenda nuu o ma. Te sukan ni ka ka'an sa nuu ni a te sukan jâ ni ka xtu'va ña'a sa.

1 Pedro 2:14

Suni tee ka jinukuechi nuu gobiernu ma ja ka tatnuni de ñuu kuechi ma, jin kandija tna ni ja ka ka'an de ma, vaa tee ni tetniñu tee kúu gobiernu ma ka kuu de ma, te ka iyo de ja jin ka'nde de tniñu ñayii ka sa'a ja u'vi ma, te jin chunaa i kuechi i ma. Kovaa jayiñu'u jin koo nuu ñayii ka sa'a ja va'a ma.