Romanos 13:3 - New Testament Psalms and Proverbs in Mixtec Magdalena Peñasco

³ Vaa ñayii ka netniñu ma, masu ka iyo i ja jin ko sa'a i ja jin koyu'u ñayii ka sa'a ja va'a ma, su'va ja jin koyu'u maa ñayii ka sa'a ja u'vi ma. ¿Kúni ni ja ma koyu'u ni ñayii ka netniñu ma? Sa'a ni ja va'a ma vi, te koo jayiñu'u ni ja sa'a ni ma.

Romanos 13:3 ပူးပေါင်းရင်းမြစ်များ

Proverbios 14:35

Ja vii ja va'a ko sa'a tee kúu rey ma ja kuu suchi jinukuechi nuu de ma ja ndása'a i kuenda naxe sa'a kúu i ma, kovaa ndakiti ini de nuu ñayii sa'a ja ni'i de ja kan‑nuu ma.

Proverbios 20:2

Nuna ndakiti ini rey ma chi masu kaku maa ñayii ni sa'a ja ni ndakiti ini de ma, vaa sukan ndúxeen ndika'a ma, sukan iyo de ja kuu sa'a de.

Romanos 13:2

Te chukan kúu ja, nú na in ñatuu kándija ja ka ka'an ñayii ka netniñu ma chi ñatuu kándija i sukan ni jani ini Su'si ma. Te ñayii yukan chi iyo maa i ja ndachunaa i ja ñatuu kándija i ma.

Romanos 13:4

Vaa ñayii ka netniñu ma, ñayii ka jinukuechi nuu Su'si ma ka kuu i, sukan‑va'a jin koo va'a ni. Kovaa nú na in sa'a ja u'vi ma, te kóyu'u i. Vaa masu saneé sañuu‑ni kúu ja ka iyo ñayii ka netniñu ma, vaa ka iyo i ja kuu jin xndo'o jin xneni i ñayii ka sa'a ja u'vi ma. Vaa ñayii ka jinukuechi nuu Su'si ma ka kuu i, te kuu jin sa'a i ja jin ndachunaa ñayii ka sa'a ja u'vi ma, te jin ndo'o jin neni i kuechi ja u'vi ni ka sa'a i ma.