Proverbios 9:3 - New Testament Psalms and Proverbs in Mixtec Magdalena Peñasco

³ Sani te ni tetniñu i ñayii ka jinukuechi nuu i ma ni jan koo i onde nuu sukun‑ka ini ñuu ma, te ni ka keja'a i ka kana i ñayii ka jiniñu'u tnu'u ndichi ma.

Proverbios 9:3 ပူးပေါင်းရင်းမြစ်များ

Salmos 68:11

Te Iya Tátnuni ma, ni kaxtnu'u tnu'u jin ka'an ña'a ma, te jaku ña'a kuan koo ka kaxtnu'u ña tnu'u vii tnu'u va'a ni ka jini ña ma.

Proverbios 9:14

te jínkoo ña ye'e ña ma, vaa ndúku ña ja ndito ndito‑ka kuni ña na in ka ya'a ichi ma,

Proverbios 9:16

te sa'a jiña'a ña suchi ka kuneé ka ku‑uun ma ja ñatuu ka ni'i ini i naxe jin sa'a i ja va'a ma: “Ne'e koo, te jin kuni ro

Mateo 22:9

Kuán koo ni nuu ka ndatna'a ichi ma, te jin kuña'a ni ndaka ñayii ka ya'a i ichi ma ja kí koo i viko tnanda'a sayii sa ya”, kúu de jiña'a de.

Lucas 11:49

’Ndaa ndaa‑ni ni ka'an tnu'u ndichi Su'si ma ja ká'an sa'a ma: “Tetniñu o tee jin ndakaxtnu'u tnu'u maa o a nuu ñayii ma, te tetniñu o in‑ka jichi apóstol, te jaku de jin ka'ni i, te jaku de jin sondikin i.” Sa'a ni ka'an tnu'u ndichi Su'si ma.

Lucas 14:17

Te nuu ni kenda ora ja jin kuxini i ma, ni tatnuni de nuu tee jinukuechi nuu de ma, ja na ki'in de jín kuña'a de sa'a nuu ñayii ni kana de ma: “¡Ne'e koo ni! ¡Jâ iyo tu'va ndaka!”

Juan 18:20

Jesús ma, jiña'a ya: ―‍Saña chi ni yo ka'an ndijin sa nuu ndaka ñayii ñuu ñayivi a. Ndimaa ni yo kaxtnu'u sa ini veñu'u lilikin ma ji'in ini veñu'u ka'nu ma nuu ka ndututu ndaka ñayii judío a. Te masu nawa ni yo ka'an yu'u sa.

Juan 7:37

Kivi ve jinu viko ma, kivi ka'nu xeen‑ka ma kúu, te Jesús ma, ni ndokuiñi ya, te ni ka'an nini'i ya: ―‍Nú na in yíchi, na kii i nuu sa a, te kó'o i ndute kua'a sa a.

Romanos 10:15

¿Te naxe jin kaxtnu'u ñayii ma, nú ñatuu na in tétniñu ña'a? Vaa sa'a ndee nuu tnu'u Su'si a: “¡Naka vii naka va'a ka kuu ñayii ka jika kuan koo i ka kaxtnu'u i tnu'u vii tnu'u va'a tnu'u mani Su'si ma!”