Proverbios 8:5 - New Testament Psalms and Proverbs in Mixtec Magdalena Peñasco

⁵ Jin jaku'ni ini ndaka ndijin ja ka iyo neé ka iyo su'va‑ni ni a, ndijin ja inundee xeen ini ni ja jin jaku'ni ini ni tnu'u ndichi a te jin ni'i ini ni naxe jin ko sa'a jin ko kuu ni ma.

Proverbios 8:5 ပူးပေါင်းရင်းမြစ်များ

Salmos 19:7

Tnu'u ja káxtnu'u Iya Tátnuni ma ja ndandaa kúu, vaa ndáxsama i janitnuni ñayii ma, te ndúu i ñayii sa'a ja va'a ja ndaa. Te tnu'u ni ka'an Iya Tátnuni ma chi sukan sa'a ya, vaa ñayii ñatuu jaku'ni‑ka ini i ma chi kuu jaku'ni ini i.

Salmos 94:8

Ndijin ja ka kuu ni ñayii inundee xeen ini a te ka kuneé ka ku‑uun ni a, jin jaku'ni ini ni te jin ndasa'a ni kuenda. ¿Te onde na saa‑ka kivi, sana jin jaku'ni ini ni?

Proverbios 1:22

“Ro'o suchi jaa, ja ñatuu jin kuni‑ka ro naxe jin ko kuu ro a, ¿na saa‑ka kivi jin ko kuu ro sukan‑ni, ja ndimaa ka jakundee ro ñayii ka sa'a ja va'a ma, te ka saxiko ro ja va'a iyo ja jin kutu'va ro ma?

Proverbios 1:32

Chukan kúu ja ñayii ndee xeen ini i ma, te ñatuu kúni i kuan‑ta'vi i tnu'u ndichi ká'an Su'si ma te sa'a i sukan kúu ini maa i ma chi kundee maa ja u'vi ni yo sa'a i ma xnaa ña'a i te kûu i.

Proverbios 1:4

Te tnu'u ndichi ya'a chi sa'a i ja suchi jaa ñatuu jin ni'i ini‑ka i naxe jin ko sa'a jin ko kuu i ma ja jin jakun‑tnuni ini i, te jin ndasa'a i kuenda naxe jin ko sa'a jin ko kuu tna i ja va'a ma ne'un ñuu ñayivi a.

Proverbios 3:35

Su'si ma chi jayiñu'u kua'a ya nuu ñayii ndichi ma, vaa sa'a i sukan kúni ya ma. Kovaa nuu ñayii ñatuu jaku'ni ini ma te sa'a so'o i nuu ya ma chi ja kan‑nuu ndakua'a ya i.

Proverbios 8:12

Vaa tnu'u ndichi a chi iyo i ji'in ñayii ndása'a kuenda naxe ko sa'a i ja va'a ja ndaa ma, te tnu'u ndichi a chi sa'a i ja jaku'ni va'a ini ñayii ma te ndasa'a i kuenda nde a kúu ja va'a ma.

Proverbios 8:4

Sa'a ká'an tnu'u ndichi Su'si ma: “Nuu ndaka ndijin ja ñatuu jin ndasa'a‑ka ni kuenda a, ká'an sa:

Proverbios 9:4

Te sa'a ka jiña'a i: “Ndeva'a‑ni nde ni ñatuu na tnu'u ndichi ka neva'a ni ma te ñatuu ka ni'i ini ni naxe jin ko sa'a jin ko kuu ni ja va'a ma, ne'e koo ni ya'a,

Hechos 26:18

sukan‑va'a sa'a ni ja jín ndanune nuu i, te jín xndoo i ichi nee ma, te jín kaka i ichi nuu ndú'va ñu'u ma, te máko jin kandija‑ka i ja tátnuni tachi ma, nú masu ja jin kandija i ja ká'an Su'si ma. Vaa nuna jin kandija ña'a i maa sa, te sakanu ini Su'si ma kuechi i ma, te jin ndani'i ta'vi i sukan ni ka ndani'i ta'vi ñayii ñatuu‑ka na ja u'vi ka sa'a i ma”, kúu ya ká'an ya.

1 Corintios 1:28

Te ñayii ka saxiko ña'a ñayii ñuu ñayivi a, ñayii yukan ni ndakaji Su'si ma, te ñayii masu kuu‑ka ka ka'an ñayii ñuu ñayivi a ni ndakaji tna ya, sukan‑va'a jin kendoo nda'vi maa ñayii ka jani ini ja maa i ka kuu‑ka ma,