Proverbios 8:36 - New Testament Psalms and Proverbs in Mixtec Magdalena Peñasco

³⁶ Kovaa ñayii saxiko tnu'u ndichi a chi sa'a u'vi maa i ini anua i ma, te ja ni'i i kúu ja kûu i te skenaa i maa i ma.” Sa'a ká'an tnu'u ndichi Su'si ma.

Proverbios 8:36 ပူးပေါင်းရင်းမြစ်များ

Proverbios 1:31

te jin ndani'i jin ndatna'a maa ro ndaka ja u'vi ni ka yo sa'a, ni ka yo kuu ro ma. Ûni ni a in ma jin yanduu, onde jin ndando'o jin ndaneni ro ndaka.

Proverbios 1:32

Chukan kúu ja ñayii ndee xeen ini i ma, te ñatuu kúni i kuan‑ta'vi i tnu'u ndichi ká'an Su'si ma te sa'a i sukan kúu ini maa i ma chi kundee maa ja u'vi ni yo sa'a i ma xnaa ña'a i te kûu i.

Proverbios 12:1

Ñayii jan‑ta'vi ja ka ndaka'an so'o ñayii ma naxe ko sa'a ko kuu i ma chi ñayii ndichi kúu i, kovaa ñayii saxiko ja ka ndaka'an so'o ñayii ma nuu i ma chi in ñayii so'o kúu i te ñatuu ndása'a i kuenda i ma.

Proverbios 15:32

Ñayii ñatuu jan‑ta'vi ja ka ndaka'an‑so'o i nuu i ma chi ñatuu kútoo i maa i ja sukan sa'a i ma, kovaa ñayii jan‑ta'vi ma chi su'va kútu'va‑ka i naxe ko sa'a ko kuu i ma.

Proverbios 20:2

Nuna ndakiti ini rey ma chi masu kaku maa ñayii ni sa'a ja ni ndakiti ini de ma, vaa sukan ndúxeen ndika'a ma, sukan iyo de ja kuu sa'a de.

Proverbios 21:6

Ñayii ndimaa xnda'vi in‑ka ñayii ma te ve kuxiku i ma chi masu na'a‑ni te ndi'i kuiti ja neva'a i ma naa, sani te skenaa i maa i.

Hechos 13:46

Pablo ma ji'in Bernabé ma, masu ni ka yu'u de, te ni ka ndakone'e de: ―‍Ja kúni Su'si ma nkuu ja xinañu'u‑ka nuu ndijin ja ka kuu ni judío ma jin kaxtnu'u sa tnu'u Su'si ma nkuu. Kovaa maa ni, ñatuu ka jan‑ta'vi ni ja suu ni jin ko kuu ñayii jin koteku ni‑kani ni‑jika nuu Su'si ma. Te chukan kúu ja vitna chi jin koo sa nuu ñayii masu judío ka kuu i ma,

Hechos 16:28

Sani te Pablo ma, ni kayu'u nini'i de, te jiña'a de: ―‍Máko sa'a ni maa ni ja u'vi, vaa ndaka sa ka iyo ya'a ―‍kúu de jiña'a de.

1 Corintios 16:22

Kovaa nú nde in ñatuu kútoo Jesucristo iya tátnuni nuu o a, ko kuu i in ñayii skenaa maa i nuu ja u'vi ma, sukan ká'an maa ya ma. Vaa Iya Tátnuni ma, jâ vee ya.

Hebreos 10:29

¿Te naxe ka jani ini ni? ¿Masu iyo ja ndo'o xen‑xeen‑ka ñayii ñatuu kandija ja ká'an Sa'ya Su'si ma? Te nú sukan kúu i ma chi kuenda tnu'u ja ni jiñu ndoso i ya, vaa sa'a i tnu'u ja masu nde jiniñu'u niñi ni jati ya ma, te vitna ja onde chukan, saa ni kuu ni ka nduvii, ni ka ndundoo o nuu Su'si ma. Te nú sukan kúu i ma chi kuenda tnu'u ja ká'an ndeva'a i ja kuu Xtumani Ndios ma, vaa ñatuu kandija i ma, te vitna ja maa ya ni kunda'vi ini ña'a ma.

Hebreos 2:3

Te nú sukan, te yo'o, ¿naxe jin kaku o, nuna jin xtaya o te jin skenaa o ja ka'nu xeen ni taa Su'si ma, ja jâ ni ka kaku o nuu ja u'vi ma? Vaa tnu'u ya'a chi maa Iya Tátnuni ma ni kaxtnu'u nuu ñayii ni ka jiniso'o xinañu'u kuiti ma, te ni ka yo ndaka'an i nuu yo'o ja sukan ko kuu.