Proverbios 8:34 - New Testament Psalms and Proverbs in Mixtec Magdalena Peñasco

³⁴ Ja va'a kúu ñayii niniso'o ndaka ja ká'an ri a, ja ûni ndee ndikin i ja na ni'i i tnu'u ndichi a.

Proverbios 8:34 ပူးပေါင်းရင်းမြစ်များ

Salmos 27:4

In‑ni ja ni jikan‑ta'vi sa nuu Iya Tátnuni ma, te chukan kúni sa ja na kuu sa'a sa: Ja na koo sa ve'e Iya Tátnuni ma ndaka kivi koteku sa a, te konde'ya konde'ya‑ni sa ya, te kuni sa sukan vii sukan luu kaa ya ma, te kakan‑tnu'u kakan‑tnu'u sa ya naxe ko sa'a ko kuu sa ma.

Salmos 84:10

Vaa saña chi ja va'a xeen‑ka kúu ja koo sa in kivi ini ve'e nuu iyo ni a sana ja koo sa mil kivi nuu ka sa'a i ja u'vi ma. Játna ini‑ka sa ja koo sa ye'e nuu iyo ni a, vi Su'si, sana ja koo sa nuu ka iyo ñayii ka sa'a ja u'vi ma.

Salmos 92:13

Te jin koo va'a i ini ve'e Iya Tátnuni ma, te vivii jin ko kuu i nuke'e Su'si o ma.

Proverbios 1:21

Ji'in nuu ka ndatna'a kua'a‑ka ñayii ma kuenda tnu'u ja káyu'u káyu'u tnu'u ndichi ká'an Su'si ma:

Proverbios 3:13

Naka vii naka va'a kúu ñayii ni'i tnu'u ndichi wa'a Su'si ma, vaa jáku'ni ini i te kúu i in ñayii ndichi.

Proverbios 3:18

Tnu'u ndichi Su'si a chi sa'a i ja koteku ñayii tnii vava'a ma. Naka vii naka va'a kúu ñayii jan‑ta'vi ndaka sukan ká'an tnu'u Su'si ma te ñatuu xndoo i ma.

Mateo 7:24

’Ndeva'a‑ni na in na koniniso'o tnu'u ya'a te sa'a i sukan ká'an sa a, te ká'an sa ja ñayii jani va'a ini kúu i, sukan kúu in tee sa'a ve'e de siki nuu toto ma, sukan kúu i.

Lucas 1:6

Te nduu de ka iyo va'a nuu Su'si ma, te ni ka yo kandija de ja ni yo tatnuni ya ma, te ñatuu na kuechi de iyo nuu Su'si ma.

Lucas 10:39

Marta ma, iyo in ku'u ña nani María. Ña'a yukan, ni jinkoo ña nuu ja'a Jesús ma, sukan‑va'a koniniso'o ña ja ká'an ya ma.

Lucas 11:28

Te ni ndakone'e ya: ―‍¡Ja vava'a‑ka ka kuu ñayii ka niniso'o ja ká'an Su'si ma te ka kandija i ma! ―‍kúu ya jiña'a ya.

Hechos 2:42

Te ndaka i ûni ni‑yu'u ni‑ini i ni ka yo sa'a i ndaka ja ni ka yo kaxtnu'u tee ni tetniñu Jesús ma, te vivii ni ka yo ketna'a ini i, te ni ka yo chindee tna'a i nawa ka jiniñu'u in in i ma, te vivii ni ka yo ndututu i ja jin kaa i xita ma, te suni ni ka yo ta'vi i xita tila ma sukan ni tatnuni ya ja jin ko sa'a i ma te jin ndaka'án i sukan ni ndo'o ni neni ya ja jin kuu i ma, te ni ka yo jikan‑ta'vi, ni ka yo jikan‑ta'vi i nuu ya.