Proverbios 8:17 - New Testament Psalms and Proverbs in Mixtec Magdalena Peñasco

¹⁷ Ñayivi ni‑yu'u ni‑ini i ndánduku ña'a i ma, ji'in suchi jaa ka ndanduku ña'a ma chi jin ndani'i yachi‑ni ña'a i.

Proverbios 8:17 ပူးပေါင်းရင်းမြစ်များ

Salmos 91:14

Sa'a ka'an ya: “Ja kutoo ña'a ñayii kándija ja ká'an o ma, te maa o sa'a ja kaku i nuu ndaka ja u'vi ma. Te sonee sukun o i, vaa jâ ni jini i na in kúu o.

Proverbios 1:28

onde kivi yukan sana jin ndakune'e jin ndakune'e ña'a ro, kovaa masu ndakone'e ri; te jin ndanduku jin ndanduku ña'a ro, kovaa masu jin ndani'i ña'a ro.

Proverbios 2:4

te nú ûni na ndanduku ñukuun ro tnu'u ndichi ká'an ri a sukan ndánduku o in xu'un yinee yu'u ma te ndeya'vi xen‑xeen i ma,

Proverbios 2:5

sani te jaku'ni ini ro nawa kúni Su'si ma ja ko sa'a ro ma, te jaku'ni ini ro ja jiniñu'u ja koyu'u ro Su'si ma, vaa iya ndákan kuenda kúu ya ma.

Proverbios 4:6

te másu ko xndoo ro tnu'u ká'an ri a sukan‑va'a sa'a i ja koo va'a ro, te ko kuu sii ini ro ja ko sa'a ro ma, sukan‑va'a kaku ro nuu ja u'vi ma.

Proverbios 8:16

Te ja maa sa kúu ja ka ni'i ini ndaka ñayii ka netniñu ma naxe jin tatnuni i ma te ka ja'nde i tniñu ñayii ñuu ñayivi a.

Mateo 6:33

Ndijin, jin ndanduku ni xinañu'u kuiti‑ka sukan tátnuni Su'si ma, ji'in sukan sa'a ndaa ya ma, te ndaka cha'a, te kenda koo kuee‑ka ndi‑tna'a ka jiniñu'u ni ma.

Marcos 10:14

Te ni jini Jesús ma sukan ka sa'a de ma, te ni ndakiti ini ya, te jiña'a ya: ―‍Jin kua'a ni tnu'u, te kí koo maa suchi kuechi a, te máko jin ka'nu ndee ni, chi vaa sukan ka jani vii ka jani va'a ini suchi kuechi a, sukan jiniñu'u ja jin ko kuu ñayii jin kivi koo nuu tatnuni Su'si ma.

Juan 14:21

Nú na in kuan‑ta'vi tnu'u tátnuni sa a te kandija i ma, te ñayii yukan kúu ñayii kútoo ña'a. Te Yuva sa ma, kutoo ya na in kútoo ña'a ma, te saña tna kutoo sa i, te kaxtnu'u sa ja iyo sa ji'in i ―‍kúu ya jiña'a ya.

Juan 14:23

Jesús ma, ni ndakone'e ya: ―‍Nú na in kútoo ña'a ma te kándija i tnu'u ká'an sa a, te Yuva sa ma, kutoo ya i, te Yuva sa ma ji'in saña, ki koo sa, te jin koo sa ji'in i.

Juan 16:27

vaa Yuva sa ma chi kútoo ña'a ya ndijin, vaa ka kutoo ña'a ni, te vaa jâ ni ka kandija ni ja saña chi nuu Su'si ma vee sa.

Juan 5:4

Vaa in ángel Su'si ma, na'nu‑ni na'nu‑ni ni yo kenda i, te ni yo skanda i ndute ma, te jínu kánda ndute ma, te ñayii kúñama ma, te xinañu'u i jan kêe nuu ndute ma, te ni yo nduva'a i ndeva'a‑ni na kue'e ni yo ndo'o i ma.

Juan 7:37

Kivi ve jinu viko ma, kivi ka'nu xeen‑ka ma kúu, te Jesús ma, ni ndokuiñi ya, te ni ka'an nini'i ya: ―‍Nú na in yíchi, na kii i nuu sa a, te kó'o i ndute kua'a sa a.

Santiago 1:5

Nú nde o ja'ni ña'a i ja jakun‑tnuni ini o tnu'u ndichi ma, te kákan‑ta'vi o nuu Su'si ma, te taa ya. Vaa maa Su'si ma kúu iya taa ndaka ja jiniñu'u o ma, te masu ndákune'e ya naxe ni yo sa'a ni yo kuu o ma.

1 Juan 4:19

Yo'o chi ka kutoo o Su'si ma, vaa xinañu'u maa ya ni kutoo ña'a.