Proverbios 8:10 - New Testament Psalms and Proverbs in Mixtec Magdalena Peñasco

¹⁰ Jin kuan‑ta'vi ni ndaka ja ká'an káchi sa nuu ni a, vaa ja va'a‑ka kúu sana plata ma, te ja va'a‑ka kúu ja jaku'ni ini o ma sana oro nanimaa ma.” Sa'a ká'an tnu'u ndichi Su'si ma.

Proverbios 8:10 ပူးပေါင်းရင်းမြစ်များ

Salmos 119:127

Chukan kúu ja saña chi kútoo xeen sa ndaka ja tátnuni ni ma. Vi'i‑ka kútoo sa tnu'u maa ni a sana xu'un ma, visi nanimaa oro kúu i ma.

Salmos 119:162

Kovaa kúu sii ini sa nuu tnu'u tátnuni ni ma. Kuenda kúu in ñayii ja ni ndani'i i kua'a xeen xu'un, sukan kúu sa.

Salmos 119:72

Nuu saña, vi Su'si, chi va'a xeen‑ka kúu tnu'u ká'an káchi ni a sana ja ni'i sa kua'a xeen xu'un oro ma xi xu'un plata ma.

Proverbios 10:20

Ñayii sa'a ja va'a ja ndaa ma chi sukan kúu plata ni nduu nanimaa ma, sukan ka kuu tnu'u ká'an i ma, kovaa ja ñu'u ini anua ñayii sa'a ja u'vi ma chi masu nde jiniñu'u.

Proverbios 16:16

Va'a‑ka kúu ja ko ndi ini o ja ko kuu o in ñayii ndichi ma sana ja ni'i o kua'a oro ma, te va'a‑ka kúu ja jáku'ni ini o sukan kúni Su'si ma sukan‑va'a ni'i ini o naxe ko sa'a ko kuu o sana ja ni'i kua'a o plata ma.

Proverbios 20:15

Ja va'a‑ka kúu ñayii káji tnu'u va'a ká'an i ma sana ja ñayii neva'a kua'a xeen oro xi yuu vivii ka ndaa te ka ndeya'vi xeen ma.

Proverbios 23:23

Ko ndi ini ja kutu'va‑ka ro tnu'u ndaa tnu'u ndija maa Su'si ma ji'in tnu'u ndichi ma ji'in ja naxe ko sa'a ko kuu ro te koo va'a‑ka ro nuu Su'si ma ji'in ja ni'i ini ro naxe ndasa'a ro kuenda nde a kúu ja va'a ma te ko sa'a ro ma te nde a kúu ja masu va'a ma te másu ko sa'a ro, te másu ko ndaxiko ro ndaka cha'a.

Proverbios 8:19

Ñayii jan‑ta'vi tnu'u ndichi káxtnu'u sa a chi ja va'a‑ka kúu sana ja koneva'a i kua'a oro ma xi plata ma,

Hechos 3:6

Kovaa Pedro ma, jiña'a de: ―‍Masu na plata ni oro neva'a sa, kovaa ja neva'a sa a chi kuu taa sa. Ja maa Jesucristo iya ni iyo ñuu Nazaret ma, te ndokuiñi ni, te kaka ni ―‍kúu de jiña'a de.

2 Corintios 6:10

Kuenda tnu'u ja ka kuxii ka kunda'vi ini sa, kovaa ka iyo sii ini xeen ini anua sa a nuu Su'si ma. Kuenda tnu'u ja ka kunda'vi xeen sa, kovaa ka sa'a sa ja kua'a ñayii, ka nduxiku xeen i nuu Su'si ma vaa jin ndani'i ta'vi i. Visi ñatuu kuiti nawa ka ni'i ka tna'a sa ñuu ñayivi ya, kovaa ja maa Su'si ma, te ñatuu kuiti nawa ja'ni tna ña'a i.