Proverbios 7:27 - New Testament Psalms and Proverbs in Mixtec Magdalena Peñasco

²⁷ Vaa ichi nuu jin kûu ñayii kúu ichi ve'e ña ma, te ichi nuu jin skenaa i maa i kúu.

Proverbios 7:27 ပူးပေါင်းရင်းမြစ်များ

Proverbios 5:5

Vaa masu ndása'a maa de kuenda ja ndita ndita kua'an de nuu kûu de ma te skenaa de maa de ma, vaa ñayii ka sa'a sukan sa'a ña'a kúneé kú‑uun ma chi jin kûu i te jin skenaa i maa i ma.

Proverbios 7:8

te yu'u yu'u‑ni kua'an i ichi ve'e ña'a kúneé kú‑uun ma,

Proverbios 9:18

Kovaa ñatuu ka jini suchi ka kandija ja ká'an ña ma ja ve'e ña ma kúu nuu jin kûu i te jin skenaa i maa i ma, vaa ndaka suchi ka kivi koo ve'e ña ma chi kuenda tnu'u ja onde nuu kunu‑ka andeya ma ka ñunee i.

1 Corintios 6:10

Te ni a ñayii sakui'na ma, ni a ñayii inundiyo ini ma, ni a ñayii ka ndajini ma, ni a ñayii ka ka'an ja u'vi ma, ni a ñayii ka xnda'vi tna'a te ka sakui'na tna'a i ma, te ndaka ñayii ka sa'a sa'a ma, masu kuu jin ndani'i ta'vi i nuu tatnuni Su'si ma.

1 Corintios 6:9

¿Xi ñatuu ka jini ni ja ñayii ñatuu ka sa'a ja va'a ma, masu kuu jin ndani'i ta'vi i nuu tatnuni Su'si ma? Másu ko jin kani ini ni ja masu ja ndaa kúu ja ká'an sa a. Vaa ni a ñayii ñatuu tnanda'a‑ka ma te kívi nduu kívi nduu i ji'in in‑ka ñayii ma, ni a ñayii ndáchiñu'u tna'a ja masu Su'si ka kuu ma, ni a ñayii ni kivi nduu ji'in in‑ka ñayii ñatuu ni tnanda'a ji'in i ma, masu kuu jin ndani'i ta'vi i nuu tatnuni Su'si ma. Ni a tee ka sa'a tnu'u ja ña'a ka kuu de ma te ka kivi nduu de ji'in tee ji'in de ma, masu kuu jin ndani'i ta'vi tna de nuu tatnuni Su'si ma.

Apocalipsis 22:15

Kovaa ñayii ka sa'a sukan ka sa'a la‑ina ma chi ke'e ma jin koo i, ji'in ñayii tasi ma, ji'in ñayii ka kivi nduu ji'in ñayii masu ni ka tnanda'a ji'in i ma, ji'in ñayii ka ja'ni tna'a ma, ji'in ñayii ka jatna ini i ja jin xnda'vi tna'a i ma.