Proverbios 6:6 - New Testament Psalms and Proverbs in Mixtec Magdalena Peñasco

⁶ Ro'o ja kuu ro ñayii kuxi xeen ma, konde'ya sukan sa'a tioko ma, te ndasa'a kuenda sukan sa'a sukan kúu ti ma, te ko kuu ro in ñayii ndichi.

Proverbios 6:6 ပူးပေါင်းရင်းမြစ်များ

Proverbios 1:17

Ndasa'a kuenda, te kuni ro ja lasaa ma chi masu kivi ti nuu ni satu'va o ja tnii o ti ma nú ni jini ti ja iyo yika ti ma.

Proverbios 10:26

Ñayii kuxi ma chi sukan sa'a ja iya ma nuu nu'u ñayii ma xi sukan sa'a ñu'ma ma nduchinuu ñayii ma, sukan kúu i, vaa xtna'a i ñayii xi‑nuu satniñu i ma.

Proverbios 10:4

Ñayii kuxi te ñatuu ndí ini i ja satniñu i ma chi ko kunda'vi ko kukee i, kovaa ñayii ñu'u ini ma te satniñu i ma chi ko ni'i ko tna'a i.

Proverbios 13:4

Ñayii kuxi ma chi ndíyo ini i kua'a ja koneva'a i kovaa masu nawa ni'i i, kovaa ñayii ndí ini ja satniñu i ma chi ve ni'i ve tna'a‑ka i.

Proverbios 15:19

Ñayii kuxi ma chi jani ini i ja nanimaa iñu kaa ichi ki'in i ma te va'a‑ka ma ki'in i‑ni, kovaa ñayii sa'a ja va'a ja ndaa ma chi nune nda'a nuu i ichi kua'an i ma jini i.

Proverbios 18:9

Ñayii kuxi te ñatuu satniñu va'a i ma chi inuu kuiti kúu i ji'in ñayii ndákana in ja iyo va'a ma.

Proverbios 19:15

Ñayii kuxi ma chi játna ini i ja kusu xeen i, te ja sukan kúu i ma chi ko kokon ko yichi i.

Proverbios 19:24

Ñayii kuxi ma chi chúnee‑nka tna i nda'a i nuu ko'o ma, kovaa ni masu ndí ini i nawa ni ni'i i ma.

Proverbios 20:4

Ñayii kuxi ma chi ñatuu ndáta'vi ndásaka i itu i ma tiempu vijin ma, te kivi kenda ja skee ñayii ma itu i ma, te visi na ki'in maa i jin koto i itu i ma, kovaa masu nawa ndani'i i.

Proverbios 21:25

Ñayii kuxi ma, ndíyo xeen ini i nawa ni'i i ja kaa i, kovaa ñatuu kúu ini i ja satniñu i visi na kûu maa i ja kuxi i ma.

Proverbios 22:13

Ñayii kuxi ma chi ja ma satniñu i ma chi ndúku yu'u i naxe kundee i ja ma satniñu i ma‑ni, te ká'an i: “Vaa ichi ma iyo in ndika'a, te kaa ña'a ti nuna ki'in o jin satniñu o.”

Proverbios 23:19

Sa'ya maa ri, ko kuu in ñayii ndichi, te ku'un kaji ku'un va'a ini ro, te ko kaka va'a ro ichi ndaa Su'si a.

Proverbios 30:24

Te ka iyo tna kuun kiti inulilikin ñuu ñayivi a kovaa kiti ndichi xeen ka kuu ti, te inundichi xeen‑ka ti sana ñayii inundichi ka iyo a:

Proverbios 30:25

In ti kúu tioko ma ja kiti lilikin xeen ka kuu ti ma, masu na tnu'u ndee tnu'u ndatnu ka neva'a ti, kovaa kivi iyo kuikuii ma, te ndaka ti ka xtutu te ka satu'va ti ja jin kaa ti kivi ñatuu nawa iyo ma.

Proverbios 6:9

Kovaa ro'o ñayii kuxi, ¿na saa‑ka kivi kavatuu kavatuu‑ni ro, te na saa‑ka kivi sana ndoto ro ja kixi kixi‑ni ro a?

Mateo 25:26

Te ni ndakone'e jito'o de ma, te jiña'a de: “Masu tee jinukuechi va'a kúu ni. Tee kuxi kúu ni. Vaa nú jini ni ja ndáxtutu sa nuu masu ni chi'i sa ma ji'in nuu masu ni saka sa ma,

Mateo 6:26

Jin konde'ya ni lasaa ka ndava ichi andivi a, ja masu na itu ka chi'i ti, ni a jin ndaxtutu ti nawa jin kaa ti, ni a jin ko ndi ini ti ja jin tnaa va'a ti in nuu yaka ja jin kaa ti ma. Kovaa maa Yuva o iya iyo andivi ma na'a nawa jin kaa ti. ¡Te nú sukan sa'a ya ji'in lasaa ma, nde‑ka tu ndijin chi ko ndi ini Su'si ma ja jin ni'i ni ja jin kaa ni, vaa ka ndanuu‑ka ni sana lasaa ma!

Romanos 12:11

Ora jiniñu'u ja jin satniñu o ma, te máko jin sa'a kuxi o maa o, su'va ni‑yu'u ni‑ini o jin kunukuechi o nuu Iya Tátnuni ma.

Hebreos 6:12

sukan‑va'a máko jin kava kuxi ni, su'va jin sa'a ni sukan ni ka yo sa'a tna'a o ma, ja ni ka yo kukanu ini de Su'si ma, te ni ka kanda de, te ni ka ni'i de ja ni skuiso Su'si ma.