Proverbios 6:23 - New Testament Psalms and Proverbs in Mixtec Magdalena Peñasco

²³ Vaa tnu'u tátnuni ri a chi kuenda tnu'u ja in ñu'u ndú'va kúu i, te ja káxtnu'u ri a chi xtnuu i nuu ro sukan kúu ñu'u ndú'va ma, te ja ndáka'an‑so'o ri nuu ro ja ndákani ichi ña'a ri a chi sa'a i ja koteku ro,

Proverbios 6:23 ပူးပေါင်းရင်းမြစ်များ

Salmos 119:105

Vaa tnu'u káxtnu'u ni nuu sa a chi vivii xtnuu i nuu ja'a sa a, kuenda tnu'u ja in ñu'u ndu'va, te xtnuu i ichi jika sa ya.

Salmos 119:130

Vaa nute jin kachi ndaka ñayii ma ja jin koniniso'o i sukan ká'an tnu'u maa ni a chi ûni ndaxtnuu vava'a i nuu ñayii ma, vaa vivii sa'a i ja ka jaku'ni ini ñayii ka ndasa'a kuenda ja ka jiniñu'u i Su'si ma.

Salmos 141:5

¡Naka vii naka va'a ko kuu ja ñayii sa'a ja va'a ja ndaa ma, te suu i jin ko kuu ñayii jin ndaka'an‑so'o nuu sa a, nú masu va'a‑ni sa'a sa ma! Chi ja sukan ma chi kuenda tnu'u ja sukan kúu ndute jáxiko asi ka chi'i ñayii ma maa i ma ko kuu ja ndaka'an‑so'o ñayii ma nuu sa ma. Te saña chi koniniso'o sa ja ndaka'an ja ndakachi i nuu sa ma, te ma saxiko sa, vi Su'si. Visi tnundo'o xeen sukan jin ndaka'an‑so'o i ma, kovaa saña chi kakan‑ta'vi kakan‑ta'vi sa nuu ni ja ñayii ka sa'a ja u'vi ma, te máko jin ko sa'a‑ka i, vi Su'si.

Salmos 19:8

Tnu'u tátnuni Iya Tátnuni ma chi tnu'u ndandaa kúu, vaa sa'a i ja koo sii ini ini anua ñayii ma. Tnu'u tátnuni Iya Tátnuni ma chi tnu'u nanimaa kúu, vaa ndáxtnuu i nuu ñayii ma sukan‑va'a ma skenaa i maa i.

Proverbios 10:17

Ñayii sa'a sukan ká'an káchi tnu'u ndichi ma chi kua'an i ichi nuu koteku i ma, kovaa ñayii ñatuu niniso'o ja ká'an káchi tnu'u ndichi ma chi kua'an i ichi nuu skenaa i maa i.

Proverbios 15:24

Ichi ki'in o ja koteku o ni‑kani ni‑jika ma kuenda tnu'u ja ndichi xeen, vaa ndó'o o jaku; kovaa chindee ña'a i ja ma kêe o andeya ma te skenaa o maa o ma.

Proverbios 15:31

Ñayii niniso'o te sa'a i sukan ka ndaka'an‑so'o ñayii ma nuu i ma chi ko kuu i in ñayii ndichi.

Proverbios 29:15

Nú nawa ni sa'a sa'ya o ma, te ke'en o i ji'in yutnu xii ma ja ndakani ichi o i ma, chi kutu'va i naxe ko kuu i ñayii ndichi, kovaa nú ndimaa kuji'in o ji'in i chi ndimaa ja kan‑nuu ndakua'a i si'i i ma.

Proverbios 3:18

Tnu'u ndichi Su'si a chi sa'a i ja koteku ñayii tnii vava'a ma. Naka vii naka va'a kúu ñayii jan‑ta'vi ndaka sukan ká'an tnu'u Su'si ma te ñatuu xndoo i ma.

Proverbios 4:13

Te kuta'vi ndaka ja ká'an káchi ri nuu ro a, te ku'un ku'un‑ni ini ro te máko xndoo ro, vaa suu i sa'a ja koteku ro.

Proverbios 4:4

Te sa'a ni yo ka'an yuva ri ma nuu ri: “Tava'a ini anua ro a ndaka tnu'u ká'an tnu'u káchi ri a, te ko sa'a ro sukan tátnuni ri a, te koteku ro.

Proverbios 5:12

Te ndaka'an ro: “Nava'a ni saxiko o tnu'u ndichi ni ka yo ka'an i nuu o ma, te naku ñatuu ni jan‑ta'vi ini anua o a ja ni ka yo ndaka'an so'o i nuu o ma,

2 Pedro 1:19

Te ja ni ka jiniso'o sa sukan ma, te chíndee ña'a i ja jin kukanu ini‑ka o sukan ká'an tnu'u ni ka tee tee ni ka yo ndakaxtnu'u tnu'u ni yo wa'a Su'si ma. Te va'a‑ni jin sa'a ni, nuna jin koniniso'o ñukuun ni tnu'u ni yo wa'a Su'si ma. Vaa tnu'u ya'a, sukan kúu in ñu'u ndú'va nuu nee ma kúu i, kovaa kivi ko kuu sukan ká'an ma, te jin kuni ndi'i jin kuni tu'u o ja ni ka ndaka'an de ma. Te sukan kúu ora tnuu ni'ni ja kénda kimi xtnee ne'e ma, sukan jin jaku'ni ini o ndaka ja ni ka yo ndakaxtnu'u de ma.

Apocalipsis 2:5

Ndaka'án sukan ni yo kuu ro kivi ni yo kutoo ña'a ro ma, te ndakani ndaka'vi ini, te ndasatniñu sukan ni yo sa'a ro xinañu'u ma. Vaa nú ña'a, te kenda yachi ri nuu iyo ro a, te nú ma ndakani ndaka'vi ini ro te ndakatanuu ña'a ro chi xtandiyo ri candileru ro a nuu iyo i ma.