Proverbios 6:19 - New Testament Psalms and Proverbs in Mixtec Magdalena Peñasco

¹⁹ ñayii ka'an ja ni jini nuu i ma te masu ja ndaa kúu ja ká'an i ma, ji'in ñayii sa'a ja ka ndakiti ini nuu tna'a ñayii ka ketna'a ini ma.

Proverbios 6:19 ပူးပေါင်းရင်းမြစ်များ

Salmos 27:12

Máko kua'a ni tnu'u ja ñayii ñatuu ka kunimani nuu sa ma, te jin sa'a ña'a i sukan ka kuni maa i ma, vaa ni ka kenda koo kua'a ñayii ka ka'an tnu'u, kovaa masu ja ndaa kúu ja ka ka'an i ja kuu sa a, te jin sa'a ndeva'a ña'a i ka kuni i.

Salmos 35:11

Ni ka kenda koo ñayii ka skanduu yu'u ja kuu sa ma, vaa ka kuni i ja jin sa'a ña'a i ja u'vi, te ka jikan‑tnu'u ña'a i tna'a ja másu jini sa ma.

Proverbios 12:17

Ñayii ká'an ndaa ma chi ndáka'an ndaa i naxe iyo ma, kovaa ñayii tnu'u ma chi masu ndáka'an ndaa i naxe iyo ma su'va ndúku i naxe xnda'vi i ñayii ma.

Proverbios 14:5

Ñayii kúkanu ini o ja ndakani ndaa i nawa ni jini i ma chi nú ñayii sa'a ja va'a ja ndaa kúu i chi masu nawa xnda'vi ña'a i, kovaa ñayii ñatuu ká'an ndaa ká'an ndija ma chi ndimaa xnda'vi ña'a i.

Proverbios 16:28

vaa ñayii sa'a nanimaa ja u'vi ma chi sa'a i ja ka kanaa ñayii ma, te ñayii tnu'u ma chi sa'a i ja ka ndakiti ini nuu tna'a ñayii ka ketna'a ini ma.

Proverbios 19:5

Ñayii ka kukanu ini ñayii ja ndakani ndaa i nawa ni jini i ma te ma ndaka'an ndaa i ma chi ma kaku maa i chi ndo'o neni i ja sukan sa'a i ma. Suni ñayii ká'an tnu'u ma chi masu yanduu ja onde ndo'o neni maa i.

Proverbios 19:9

Ñayii ñatuu ndakani ndaa nawa ni jini i ma chi ma kaku maa i chi onde ndo'o neni i ja sukan sa'a i ma, te suni ñayii játna ini ja ka'an tnu'u i ma chi masu yanduu ja onde ndo'o neni tna maa i ja sukan sa'a i ma.

Proverbios 21:28

Ñayii ká'an ja ni jini i nawa ni kuu ma te masu ndija i ja ni jini i ma chi masu na'a‑ni te ni masu ni'i ini‑ka i nawa ka'an i, kovaa ñayii ni jini ndija ma chi núkuiñi lili i ja ká'an i ma.

Proverbios 22:10

Máko kuan‑ta'vi ni ñayii ndee ini te so'o kaa i ma nuu iyo ni a, sukan‑va'a na naa maa ja u'vi ma te masu na in kanaa‑ka, te ni a ko skiti tna'a‑ka ini i.

Proverbios 25:18

Kuenda kúu yuchi ma xi in martillu xi in flecha, sukan kúu ñayii ká'an tnu'u in nuu te'nde tniñu ma.

Proverbios 26:20

Nú ñatuu na tutnu‑ka ñu'u nuu ñu'u ma chi ndá'va maa i, te sukan kúu tna nú ñatuu ka nduku‑ka ñayii cuentu ma chi ñatuu na in kánaa‑ka.

Proverbios 6:14

Vaa nanimaa ja u'vi ñu'u ini anua i ma, te ndimaa ñu'u ini i ja sa'a i ja u'vi ma.

Proverbios 8:13

Vaa ñayii yu'u Su'si ma vaa jini i ja iya ndákan kuenda kúu ya ma chi saxiko i ja u'vi ma ji'in ja kani ini o ja maa o kúu‑ka ma te kuvixi o ma, te suni saxiko i ñayii ka jika ichi u'vi ma te ka ka'an i nanimaa tnu'u ndeva'a tnu'u kini ma. Sa'a ká'an tnu'u ndichi Su'si ma.

Mateo 15:19

Vaa onde ini anua ñayii ma ka ñu'u ndaka ja u'vi ma, te chukan kúu ja kénda ja ka jani ini i ma, ja jin ka'ni i tna'a i ma, ji'in ja ñayii ni ka tnanda'a ma, te ka kivi nduu i ji'in in‑ka ñayii ma, ji'in ja jin kivi nduu i ji'in ndi‑in ndi‑in ñayii ñatuu ni ka tnanda'a ji'in i ma, ji'in ja jin sakui'na i ma, ji'in ja ka ka'an i tnu'u ñayii ma, ji'in ja ka ka'an kini i ma.

Mateo 26:59

Te tee ka tatnuni nuu sutu ma, ji'in tee ka kuu ja'nu ma, ji'in ndaka tee ka ja'nde tniñu ñayii ñuu judío ma, ni ka nduku de in ja kuu jin skuiso kuechi de Jesús ma te jin ka'ni de ya.

Hechos 6:13

Te suni ni ka nduku de jaku ñayii ja jin xtekuechi i Esteban ma, sukan‑va'a jin ka'an tnu'u i, te sa'a jin kuña'a i: ―‍Tee ya'a chi ká'an ká'an‑ni de ja u'vi siki veñu'u ii a ji'in siki ja ni tatnuni Moisés ma.

2 Timoteo 2:23

Te xtandiyo ni tnu'u xiko tnu'u kini ma, ja sa'a i ja ka skiti tna'a ini ñayii ma. Vaa ka jini o ja sukan ka keja'a ñayii ma, sani te ka kenda koo i ja ka kanaa i ma.

Santiago 3:18

Ñayii ka iyo mani i ji'in ndaka‑ka ñayii ma chi ká'an Su'si ma ja ñayii ka sa'a ja va'a ka kuu i.