Proverbios 6:17 - New Testament Psalms and Proverbs in Mixtec Magdalena Peñasco

¹⁷ Ñayii ndee xeen nuu i ma ja jani ini i ja maa i kúu‑ka ma, ñayii ka'an tnu'u ma, ñayii ja'ni ñayii ñatuu na kuechi ma,

Proverbios 6:17 ပူးပေါင်းရင်းမြစ်များ

Salmos 10:4

Ñayii sa'a ja u'vi ma, ja jani ini i ja maa i kúu‑ka ma, ká'an i ja ñatuu na Su'si ma iyo. Va ni a vala masu nde ndakune'e i Su'si ma ndaka ja jani ini i ma.

Salmos 101:5

Te ñayii ká'an tnu'u in tna'a i ma chi sa'a sa ja na kasi yu'u i, te ñayii sa'a vixi ja maa i kúu‑ka ma te ñu'u ini i tna'a ja masu nde jiniñu'u ma chi masu kua'a sa tnu'u ja ka'an‑ka i.

Salmos 131:1

Su'si Iya Tátnuni, ini anua sa ya ûni ñatuu na tnu'u vixi iyo, te nduchinuu sa ya chi ñatuu nde nde'ya i ja u'vi ja ñatuu játna ini ni ja konde'ya sa ma, ni ñatuu ndúku sa ja na'nu ja kua'a, tna'a ja masu kundee sa sa'a sa ma.

Salmos 18:27

Vaa maa ni chi sa'a ni ja jin kaku ñayii ka kuxii ka kunda'vi ini i ma, kovaa sa'a ni ja jin ndakukan‑nuu ñayii ka jani ini ja maa i ka kuu‑ka ma.

Salmos 31:18

Sa'a ni ja jin nduñi'i ñayii ka ka'an tnu'u ñayii ka sa'a ja va'a ja ndaa ma. Vaa másu nde ka tnii i kuenda, te ka ka'an ndeva'a i, te ka saxiko i ñayii ka sa'a ja va'a ja ndaa ma.

Salmos 5:6

Te xnaa ni ndaka ñayii ka ka'an tnu'u ma, ji'in ndaka ñayii ka xnda'vi tna'a ma, ji'in ndaka ñayii ka ja'ni tna'a ma, te masu kuan‑ta'vi ni i nuu iyo ni a, vi Iya Tátnuni.

Salmos 5:7

Kovaa saña chi ja kútoo xeen ña'a ni a, te kuu kivi sa onde nuu iyo ni a, te jinkuiñi jiti sa, te ni‑yu'u ni‑ini sa ndachiñu'u ña'a sa ini ve'e nuu ka ndatna'a sa ja ka ndachiñu'u ña'a sa a, vi Su'si.

Proverbios 1:11

Nú ñayii yukan, te ka ka'an i: “Ne'e, te jín koo o te jín ka'ni o ñayii nda'vi ñatuu jini naxe kaku i ma; visi ñatuu nawa ka sa'a ña'a i ma.

Proverbios 1:16

vaa ichi kuan koo i ma masu ichi va'a kúu, vaa ka jinu i kuan koo i ichi nuu kuu jin ka'ni i ñayii ma te jin sa'a i ja u'vi ma. Chukan kúu ja, ¡máko kandija ro ja ka ka'an i ma!

Proverbios 12:22

Su'si Iya Tátnuni ma chi saxiko ya ñayii tnu'u ma, kovaa játna ini ya sukan ka sa'a ka kuu ñayii ka sa'a ja va'a ja ndaa ma.

Proverbios 14:5

Ñayii kúkanu ini o ja ndakani ndaa i nawa ni jini i ma chi nú ñayii sa'a ja va'a ja ndaa kúu i chi masu nawa xnda'vi ña'a i, kovaa ñayii ñatuu ká'an ndaa ká'an ndija ma chi ndimaa xnda'vi ña'a i.

Proverbios 16:5

Su'si ma chi saxiko ya ñayii inuvixi xeen ka ndaa i ma te ka jani ini i ja maa i ka kuu‑ka ma, te ja sukan ka sa'a i ma chi masu yanduu ja ndaxndo'o ndaxneni ña'a Su'si ma, vaa iya sa'a ndaa kúu ya.

Proverbios 17:7

Ñayii masu ndása'a kuenda ma te vivii ká'an i te ndúku i ja xnda'vi i in‑ka ñayii ma, chi ma kee va'a i. Te ni a tee tátnuni ma te ma ka'an ndaa de te xnda'vi de ñayii ma, masu kee va'a tna de.

Proverbios 21:4

Ñayii nde'ya kini in‑ka ñayii ma xi kuvixi maa i ja jani ini i ja maa i kúu‑ka ma xi jani ini i ja sa'a i ja u'vi ma, chi ja sukan sa'a i ma chi jâ ni jiso kuechi i nuu Su'si ma.

Proverbios 26:28

Ñayii tnu'u ma chi sa'a u'vi i ñayii xnda'vi i ma, te suni sukan kúu ñayii sa'a tnu'u ja ká'an vivii i ma chi sa'a u'vi i ndaka ñayii ka jiniso'o sukan ká'an i ma.

Proverbios 28:17

Ñayii ni ja'ni in ndiyi ma chi ndimaa kunu ya'a kunu yukan‑ni i kua'an i, te ni ma ndatatu i onde kûu i ma. Chukan kúu ja máko chindee o i.

Proverbios 30:13

Suni ka iyo ñayii ka jani ini i ja maa i ka kuu‑ka sana jaku‑ka ñayii ma, te ka saxiko i ñayii yukan.

Proverbios 6:16

Vaa iñu ja sa'a ñayii ma masu jatna ini Su'si ma, te ja ku‑uja ma chi ûni onde ini anua ya ma saxiko ya.

Juan 8:44

Te chukan kúu ja tna'a ja sa'a yuva ni tachi ma ka kuni ni ja jin sa'a ni. Te tachi ma chi onde xinañu'u ma suchi ja'ni ñayii ma kúu i. Te ñatuu na ja ndaa ñu'u ini i ma, vaa masu nde ká'an ndaa i. Nú ká'an i ja xnda'vi i ñayii ma, ká'an i sukan kúu maa i ma, vaa suchi xnda'vi ñayii kúu i, te suu i kúu yuva ñayii ka xnda'vi ñayii ma.

1 Pedro 5:5

Suni ndaka ro'o ja ka kuu ro suchi jaa a jin kandija ja ka ka'an tee nija'nu‑ka ma. Te ndaka ni jin kandija nuu tna'a, te má jin kani ini ja maa ni ka kuu‑ka xi ka ndanuu‑ka ni sana in‑ka ñayii ma: Vaa Su'si ma, masu niniso'o ya te ni masu katanuu ya ja ka ka'an ñayii ja ka jani ini i ja maa i ka kuu‑ka ma, kovaa ja vii ja va'a skuta'vi ya ñayii inuu‑ni jan‑ta'vi i ndaka ñayii ma.

Apocalipsis 22:15

Kovaa ñayii ka sa'a sukan ka sa'a la‑ina ma chi ke'e ma jin koo i, ji'in ñayii tasi ma, ji'in ñayii ka kivi nduu ji'in ñayii masu ni ka tnanda'a ji'in i ma, ji'in ñayii ka ja'ni tna'a ma, ji'in ñayii ka jatna ini i ja jin xnda'vi tna'a i ma.