Proverbios 6:16 - New Testament Psalms and Proverbs in Mixtec Magdalena Peñasco

¹⁶ Vaa iñu ja sa'a ñayii ma masu jatna ini Su'si ma, te ja ku‑uja ma chi ûni onde ini anua ya ma saxiko ya.

Proverbios 6:16 ပူးပေါင်းရင်းမြစ်များ

Salmos 11:5

Iya Tátnuni ma, jitotnuni ya ñayii ka sa'a ja va'a ja ndaa ma nú inundija i ja ka kukanu ini i ya ma. Kovaa ñayii ka sa'a ja u'vi ma te ka jatna ini i ja ka sa'a ndeva'a i ñayii nda'vi ma, onde ini anua ya ma saxiko ya i.

Salmos 5:7

Kovaa saña chi ja kútoo xeen ña'a ni a, te kuu kivi sa onde nuu iyo ni a, te jinkuiñi jiti sa, te ni‑yu'u ni‑ini sa ndachiñu'u ña'a sa ini ve'e nuu ka ndatna'a sa ja ka ndachiñu'u ña'a sa a, vi Su'si.

Proverbios 11:1

Ñayii masu chíkua'a ndaa nawa xíko i ma chi ñatuu kúni sii Su'si ma nuu i, kovaa ñayii chíkua'a ndaa ndaa ma chi játna ini ya ja sa'a i ma.

Proverbios 11:20

Vaa Su'si ma chi saxiko ya ñayii ndimaa ja u'vi ka ñu'u ini i ja jin sa'a i ma, kovaa iyo sii ini xeen ya nuu ñayii ka jika ndaa nuu ya ma.

Proverbios 12:22

Su'si Iya Tátnuni ma chi saxiko ya ñayii tnu'u ma, kovaa játna ini ya sukan ka sa'a ka kuu ñayii ka sa'a ja va'a ja ndaa ma.

Proverbios 17:15

Saxiko Su'si ma ñayii kúji'in ji'in ñayii sa'a ja u'vi ma xi ñayii xtekuechi ñayii ñatuu na kuechi ma ja na chunaa i in ja masu ni sa'a i ma.

Proverbios 20:10

Ñayii ñukuun sa'a i ma te masu chíkua'a ndaa i nawa xíko i ma chi saxiko Su'si ma ja sukan sa'a i ma.

Proverbios 20:23

Su'si Iya Tátnuni ma chi saxiko ya ñayii ñatuu chíkua'a ndaa nawa xíko i ma, vaa masu játna ini ya ja xnda'vi tna'a o ma te ma chikua'a ndaa o ma.

Proverbios 21:4

Ñayii nde'ya kini in‑ka ñayii ma xi kuvixi maa i ja jani ini i ja maa i kúu‑ka ma xi jani ini i ja sa'a i ja u'vi ma, chi ja sukan sa'a i ma chi jâ ni jiso kuechi i nuu Su'si ma.

Proverbios 3:32

Vaa Su'si ma chi saxiko ya ñayii ka sa'a sukan ma, kovaa kétna'a xeen ini ya ji'in ñayii ka sa'a ja va'a ja ndaa ma,

Proverbios 30:18

Ka iyo uni kuun tna'a ja ñatuu kúu jaku'ni ini sa:

Proverbios 30:21

Ka iyo uni kuun ja nde'e xeen ka kuu i nuu ñu'ú ya te masu nde ka kundee‑ka ini ñayii ka iyo nuu ñu'ú ya, vaa xndo'o xneni ña'a i:

Proverbios 30:24

Te ka iyo tna kuun kiti inulilikin ñuu ñayivi a kovaa kiti ndichi xeen ka kuu ti, te inundichi xeen‑ka ti sana ñayii inundichi ka iyo a:

Proverbios 30:29

Ka iyo uni kuun ja ka jini o ja vivii kuan koo ve koo ka kuu i nuu ñu'ú a, te ja ku‑kuun ma chi ûni kua'an vee maa i kúu i:

Proverbios 6:15

Chukan kúu ja sanaa sanaa‑ni, te kenda ja skenaa ndi'i kuiti i ja neva'a i ma, te ni masu nawa ndani'i‑ka i, te ja sukan ndo'o i ma, masu na in kasi ndee.

Proverbios 6:17

Ñayii ndee xeen nuu i ma ja jani ini i ja maa i kúu‑ka ma, ñayii ka'an tnu'u ma, ñayii ja'ni ñayii ñatuu na kuechi ma,

Proverbios 8:13

Vaa ñayii yu'u Su'si ma vaa jini i ja iya ndákan kuenda kúu ya ma chi saxiko i ja u'vi ma ji'in ja kani ini o ja maa o kúu‑ka ma te kuvixi o ma, te suni saxiko i ñayii ka jika ichi u'vi ma te ka ka'an i nanimaa tnu'u ndeva'a tnu'u kini ma. Sa'a ká'an tnu'u ndichi Su'si ma.

Apocalipsis 21:27

Te masu kuu jin kivi koo ni‑in ndatniñu ja masu ka iyo ndoo nuu Su'si ma. Ni a ñayii ka sa'a ja u'vi ma ji'in ñayii ka xnda'vi tna'a ma, masu kuu jin kivi koo i. Yika‑ni ja ñayii ka yoxtnee ja ka nani i ma nuu libru ka yoxtnee ja ka nani ñayii jin koteku ni‑kani ni‑jika ma ja neva'a iya kúu sukan kúu ndikachi jaa ma jin ko kuu ñayii jin kivi koo ma.