Proverbios 6:12 - New Testament Psalms and Proverbs in Mixtec Magdalena Peñasco

¹² Ñayii sa'a ja u'vi ma masu jini‑ka maa i ja sa'a i ma, te nanimaa‑nka tnu'u ndeva'a tnu'u kini kée yu'u i ma.

Proverbios 6:12 ပူးပေါင်းရင်းမြစ်များ

Salmos 10:3

Vaa ñayii sa'a ja u'vi ma chi kúvixi maa i ja ñu'u ini i ja sa'a i ma, te ká'an i ja vii ja va'a ja kuu ñayii ndiyo ini ma, te saxiko i Iya Tátnuni ma.

Salmos 10:7

Te yu'u i ma ñu'u chitu ja u'vi ká'an i ma, ji'in sukan sa'a i ja xnda'vi i ñayii ma. Chii yaa i ma ka yinee tnu'u ndeva'a ká'an i ma ja ká'an u'vi i ja jin kuu in‑ka ñayii ma.

Salmos 101:3

Te ni masu ku'un ini sa ja ko sa'a sa ni‑in ja u'vi ma. Su'va saxiko sa ndaka ja ka sa'a ka kuu ñayii ka skendoo ichi ni a, te ni masu kua'a sa tnu'u ja ketna'a ini sa ji'in i.

Salmos 36:3

Vaa ndimaa tnu'u kini tnu'u ndeva'a ká'an i, te xnda'vi i in‑ka ñayii ma, te jâ ni skenaa i maa i, vaa jâ ni ndunaa i ja sa'a i ja va'a ma.

Salmos 59:7

Ûni ka ke koo ti‑iñu yu'u i ma. Sukan kúu yuchi kúu espada ma, sukan ka kuu tnu'u ndeva'a ka ka'an i ma, te ka ka'an i: “Másu kuniso'o Su'si ma ja ka ka'an o ya”, ka kuu i ka ka'an i.

Proverbios 10:32

Vaa ja ká'an ñayii sa'a ja u'vi ma chi nanimaa tnu'u kini tnu'u ndeva'a kúu, te masu játna ini o, kovaa ja ká'an ñayii sa'a ja va'a ja ndaa ma chi játna ini o.

Proverbios 11:6

Ñayii núkuiñi va'a nuu Su'si ma chi maa ja va'a ja ndaa sa'a i ma chindee ña'a te kaku i nuu tnundo'o ma, kovaa ñayii ka sa'a ja u'vi ma te ka jiso kuechi i nuu Su'si ma chi maa ja u'vi ka sa'a i ma nukun‑tuu ña'a te ma jin kaku i nuu tnundo'o ma.

Proverbios 16:27

Ñayii nanimaa ja u'vi ñu'u ini anua i ma chi ndimaa jani ini i naxe sa'a‑ka i ja u'vi ma, te sukan sa'a ñu'u káyu kóko ma ja xnaa ndi'i i nawa iyo nuu káyu ma, sukan ka kuu tnu'u ká'an i ma,

Proverbios 16:30

te ndákueni kutu kutu i te jani ini i ja u'vi‑ka sa'a‑ka i, te nú jâ ni sa'a i ja u'vi ma chi ndákayi'i vava'a i ñii yu'u i ma‑ni.

Proverbios 17:4

Ñayii sa'a ja u'vi ma ji'in ñayii tnu'u ma chi játna ini i ja koniniso'o i ja ka ka'an ñayii ka sa'a ja u'vi ma.

Proverbios 2:12

Ja koo tnu'u ndichi ma ini anua ro a chi chindee ña'a i ja másu ko sa'a‑ka ro ja u'vi sukan ka sa'a ñayii inundee ini ma ja ndimaa ja u'vi ka ka'an i ma.

Proverbios 3:32

Vaa Su'si ma chi saxiko ya ñayii ka sa'a sukan ma, kovaa kétna'a xeen ini ya ji'in ñayii ka sa'a ja va'a ja ndaa ma,

Proverbios 4:24

Te ku'un ini ro ja másu ko ka'an ro tnu'u ndeva'a tnu'u kini ma, te másu ko kua'a ro tnu'u ja ko kuiso kuechi ro ja kuechi ja ká'an ro ma.

Proverbios 6:14

Vaa nanimaa ja u'vi ñu'u ini anua i ma, te ndimaa ñu'u ini i ja sa'a i ja u'vi ma.

Proverbios 8:13

Vaa ñayii yu'u Su'si ma vaa jini i ja iya ndákan kuenda kúu ya ma chi saxiko i ja u'vi ma ji'in ja kani ini o ja maa o kúu‑ka ma te kuvixi o ma, te suni saxiko i ñayii ka jika ichi u'vi ma te ka ka'an i nanimaa tnu'u ndeva'a tnu'u kini ma. Sa'a ká'an tnu'u ndichi Su'si ma.

Mateo 12:34

¡Kovaa ndijin chi sa'ya tata koo ma ka kuu ni! Vaa ini anua ni a ka ñu'u chitu ja u'vi, te chukan kúu ja masu kuu jin ka'an ni tnu'u va'a. Vaa ja ñu'u chitu ini anua o ma kúu ja ká'an yu'u o a.

Hechos 20:30

Te onde ne'un maa ni a, jin ke koo tee ja jin kaxtnu'u saneé sañuu‑ni de, te masu jin kaxtnu'u ndaa‑ka de, te jin kundee de ja jin ndandikin ña'a ñayii ka ndikin ichi ni kaxtnu'u Jesús ma.

1 Timoteo 5:13

Vaa nuna jin chindee o ña ma chi jin kutu'va ña ja jin kava kuxi ña, te masu yika‑ni ja jin kava kuxi ña ma‑ni chi kuan koo ve koo ña ve'e ve'e, ka nduku ña cuentu, te ka kivi nduu ka kivi ni'ni ña, ka ka'an ña tna'a ja másu jin ka'an ña ma.

Santiago 1:21

Chukan kúu ja jin xtandiyo ni ndaka tu'u ja u'vi ja kini ka ñu'u ini anua ni a, te jin kava kuee ini ni, te jin kuan‑ta'vi ni tnu'u Su'si ma ja ni ka jakun‑nee ini anua ni a, vaa suu i sa'a ja kuu jin kaku ni nuu ja u'vi ma.

Santiago 3:6

Yaa ñayii ma kúu sukan kúu in ñu'u luluu ndú'va ma. Te kúu i sukan kúu in ñuu ñayivi ja ñu'u chitu ja u'vi ma. Te iyo i ne'un yikikuñu o a, te sa'a i ja kútne'e ni‑ka'nu yikikuñu o a. Te yaa o ya, kúu i sukan kúu ñu'u ndú'va andeya ma ja xndo'o xneni ña'a i ni‑kani ni‑jika. Te chukan kúu ja na jin ko koto va'a o yaa o ya nawa ká'an i.