Proverbios 5:23 - New Testament Psalms and Proverbs in Mixtec Magdalena Peñasco

²³ Te sukan kûu maa i, vaa ñatuu ni kandija i ja ni ka yo ndaka'an so'o ñayii ndichi ma, te skenaa i maa i ja sukan so'o ni kaa i ma.

Proverbios 5:23 ပူးပေါင်းရင်းမြစ်များ

Salmos 81:12

Te kuechi ja inundee xeen ini i ma te chukan kúu ja ni xndoo sa i, te ni ka sa'a maa i sukan ka jatna ini i ma.

Salmos 94:23

Te sa'a ya ja jin ndani'i jin ndatna'a maa ñayii ma ndaka ja u'vi ka sa'a i ma, te maa ja u'vi ka sa'a ka kuu i ma, te xnaa ña'a i, vaa Su'si o Iya Tátnuni ma chi xnaa ya ñayii ka sa'a ja u'vi ma.

Proverbios 1:31

te jin ndani'i jin ndatna'a maa ro ndaka ja u'vi ni ka yo sa'a, ni ka yo kuu ro ma. Ûni ni a in ma jin yanduu, onde jin ndando'o jin ndaneni ro ndaka.

Proverbios 10:21

Ja ka ka'an ñayii ka sa'a ja va'a ja ndaa ma chi skaka ichi i kua'a ñayii ichi va'a ma, kovaa ñayii so'o ñayii ndee ini ma chi ka skenaa i maa i ja ñatuu ka jaku'ni ini i ja jin sa'a i ja va'a ma.

Proverbios 12:8

Ñayii ndichi ma chi naxe sa'a naxe kúu maa i ma, te sukan ka ka'an vii ka ka'an va'a ñayii ma ja kuu i ma, kovaa ñayii ñatuu va'a ini ma chi masu na in ká'an vii ká'an va'a ja kuu i chi su'va ka saxiko ña'a ñayii ma.

Proverbios 14:14

Ñayii so'o xeen kaa ma chi ndaka ja u'vi sa'a kuu maa i ma chi ndani'i ndi'i ndani'i tu'u maa i, kovaa ñayii sa'a ja va'a ja vii ma chi ndimaa ja va'a ndani'i i te koo sii ini i.

Proverbios 14:32

Ñayii sa'a ja u'vi ma chi kenda kivi ja onde andeya ma skana ya i ja sukan ni yo sa'a i ma, kovaa ñayii sa'a ja va'a ja ndaa ma chi visi na kûu i ma chi iyo ja va'a ndetu ña'a.

Proverbios 21:16

Ñayii ñatuu ndása'a kuenda naxe ko kuu i in ñayii va'a ma te kúneé kú‑uun‑ni maa i ma chi ichi nuu kûu i te skenaa i maa i kua'an i.