Proverbios 5:2 - New Testament Psalms and Proverbs in Mixtec Magdalena Peñasco

² sukan‑va'a kutu'va ro tnu'u ká'an so'o ri nuu ro a te ndimaa tnu'u ndichi ko ka'an ro,

Proverbios 5:2 ပူးပေါင်းရင်းမြစ်များ

Salmos 119:13

Te ndaka'an ndakachi sa nuu ñayii ma ndaka sukan ká'an sukan káchi ni nuu sa ja ko sa'a sa ma.

Salmos 45:2

Vaa maa ni chi vivii kaa ni, iyo ni ne'un ndaka sa'ya tata ñayii ma, te tnu'u ká'an káchi ni a ndimaa tnu'u vii tnu'u va'a kúu, te chukan kúu ja Su'si ma chi taa ya ja vii ja va'a ja kuta'vi ni ni‑kani ni‑jika.

Salmos 71:15

Te ndaka ora ndaka'an ndakachi sa tnu'u ndaa tnu'u ndija ni a nuu ñayii ma, ja sukan ni sa'a ni ja ni ka kaku sa nuu ja u'vi ma, te ni masu kuu ndaka'an sa ndaka ja ni sa'a ni ma, vaa kua'a xeen kúu.

Proverbios 10:21

Ja ka ka'an ñayii ka sa'a ja va'a ja ndaa ma chi skaka ichi i kua'a ñayii ichi va'a ma, kovaa ñayii so'o ñayii ndee ini ma chi ka skenaa i maa i ja ñatuu ka jaku'ni ini i ja jin sa'a i ja va'a ma.

Proverbios 15:2

Ñayii ndichi ma chi ndimaa tnu'u vii tnu'u va'a, tnu'u kuatniñu o ká'an i, kovaa ñayii so'o xeen kaa ma chi ndimaa tnu'u ndeva'a tnu'u kini ma, tnu'u masu nde kuatniñu o kúu tnu'u ká'an i ma.

Proverbios 15:7

Ñayii ndichi ma chi ndimaa tnu'u ndichi ka ka'an i te ka sa'a i ja kua'a‑ka ñayii ka jaku'ni ini, kovaa ñayii so'o xeen ka ndaa ma chi ndimaa ja u'vi ka ñu'u ini i ja jin sa'a i ma.

Proverbios 16:23

Ñayii ndichi ma chi kaji kaji‑ni i tnu'u va'a ká'an i, te tnu'u ká'an i ma káxtnu'u ja ñayii jini nawa sa'a i ma kúu i,

Proverbios 20:15

Ja va'a‑ka kúu ñayii káji tnu'u va'a ká'an i ma sana ja ñayii neva'a kua'a xeen oro xi yuu vivii ka ndaa te ka ndeya'vi xeen ma.

Proverbios 3:21

Sa'ya maa ri, ku'un kaji ku'un va'a ini ro, te konde'ya vava'a ro sukan ká'an tnu'u ndichi Su'si a, te ko sa'a ro sukan ká'an ya ma,