Proverbios 4:5 - New Testament Psalms and Proverbs in Mixtec Magdalena Peñasco

⁵ Ûni ku'un ini ro ja kutu'va ro tnu'u ndichi ká'an ri a, te ni'i ini ro naxe ko sa'a ko kuu ro, te máko ndunaa ro ndaka ja ká'an ja káchi ri a, su'va ku'un ini ro ja ko sa'a ro,

Proverbios 4:5 ပူးပေါင်းရင်းမြစ်များ

Salmos 119:157

Kua'a xeen ñayii ka kuni u'vi nuu sa, te ka sondikin ña'a i, kovaa saña chi masu nde ndunaa sa ndaka tnu'u ká'an tnu'u káchi ni nuu sa a, vi Su'si.

Salmos 119:51

Vaa ñayii ka jani ini ja maa i ka kuu‑ka ma chi ka jakundee xeen ña'a i saña, kovaa masu nde xndoo sa tnu'u tátnuni ni a, vi Su'si.

Salmos 44:18

Te ñatuu ka ndakokuiñi ini sa, te ni a jin skendoo sa ichi ni kaxtnu'u ni ja jin kaka sa ma.

Proverbios 16:16

Va'a‑ka kúu ja ko ndi ini o ja ko kuu o in ñayii ndichi ma sana ja ni'i o kua'a oro ma, te va'a‑ka kúu ja jáku'ni ini o sukan kúni Su'si ma sukan‑va'a ni'i ini o naxe ko sa'a ko kuu o sana ja ni'i kua'a o plata ma.

Proverbios 17:16

Ñayii ndee xeen ini ma chi masu nde jiniñu'u ja neva'a kua'a xeen i xu'un i ma, vaa ni masu kuu kuaan i tnu'u ndichi Su'si a ji'in xu'un i ma, vaa ni masu jaku'ni ini i ma.

Proverbios 18:1

Ñayii ndiyo ini ma chi ñu'u ini i ja koo va'a maa i ma‑ni, te ni ñatuu jan‑ta'vi i ja ka ka'an‑so'o ñayii ma nuu i ma.

Proverbios 19:8

Ñayii ni jaku'ni ini tnu'u ndichi ma te sa'a i sukan ká'an ma chi ja kútoo i maa i kúu ja ndí ini i ja koo va'a i ma.

Proverbios 23:23

Ko ndi ini ja kutu'va‑ka ro tnu'u ndaa tnu'u ndija maa Su'si ma ji'in tnu'u ndichi ma ji'in ja naxe ko sa'a ko kuu ro te koo va'a‑ka ro nuu Su'si ma ji'in ja ni'i ini ro naxe ndasa'a ro kuenda nde a kúu ja va'a ma te ko sa'a ro ma te nde a kúu ja masu va'a ma te másu ko sa'a ro, te másu ko ndaxiko ro ndaka cha'a.

Proverbios 3:1

Sa'ya maa ri, máko ndunaa ro ndaka ja káxtnu'u ri nuu ro a, su'va tava'a onde ini anua ro a, te ku'un ini ro ja ko sa'a ro sukan ká'an tnu'u tátnuni ri a.

Proverbios 4:7

Ja kanuu xeen‑ka kúu ja kutu'va ro tnu'u ndichi ma te ko kuu ro in ñayii ndichi ma, sana ndeva'a‑ni nawa ko ni'i ko tna'a ro ñuu ñayivi a.

Proverbios 8:5

Jin jaku'ni ini ndaka ndijin ja ka iyo neé ka iyo su'va‑ni ni a, ndijin ja inundee xeen ini ni ja jin jaku'ni ini ni tnu'u ndichi a te jin ni'i ini ni naxe jin ko sa'a jin ko kuu ni ma.

Santiago 1:5

Nú nde o ja'ni ña'a i ja jakun‑tnuni ini o tnu'u ndichi ma, te kákan‑ta'vi o nuu Su'si ma, te taa ya. Vaa maa Su'si ma kúu iya taa ndaka ja jiniñu'u o ma, te masu ndákune'e ya naxe ni yo sa'a ni yo kuu o ma.