Suchi so'o xeen kaa ma chi vii xeen na'a jini i ja ñatuu jaku'ni ini i ja sa'a i ja va'a ma, kovaa suchi jáku'ni ini ma chi ndása'a i kuenda te ndákaka ndaa i nuu Su'si ma.
Ñayii sa'a so'o nuu Su'si ma chi ndákiti ini i nawa ka ndaka'an‑so'o i nuu i ma, kovaa ñayii sa'a ja va'a ja ndaa ma chi ndása'a i kuenda te ndákaka va'a i nuu Su'si ma.
vaa ñayii ji'i ndixi ma chi ja ya'a ja yukan‑ka nde'ya i, te janitnuni i ma chi kúneé kú‑uun‑nka, te masu ja kuatniñu jani ini i te ká'an ya'a ká'an yukan‑nka i.
vaa kona'a ni ja ko ni'i ko tna'a o ma chi masu na nde jiniñu'u, vaa nunuu‑ni koneva'a o sani te kua'an maa i. Sukan kuu ya'a tioko ma ja kúu ndáva ndáva‑ni ti ndáa ti kua'an ti sani te ni masu kuni‑ka o ti ma, sukan‑ni kúu ja ko kuxiku o ma.
’Nduchinuu ni a, sukan kúu in ñu'u ndú'va ja xtnuu i nuu o ma, sukan ka kuu i ne'un yikikuñu ni a. Chukan kúu ja nú nduchinuu ni a, ja va'a ka kuu i, te ni‑ka'nu yikikuñu ni a, kotnuu i, te ni'i ini ni ja sa'a ni ja va'a ma.