Proverbios 4:24 - New Testament Psalms and Proverbs in Mixtec Magdalena Peñasco

²⁴ Te ku'un ini ro ja másu ko ka'an ro tnu'u ndeva'a tnu'u kini ma, te másu ko kua'a ro tnu'u ja ko kuiso kuechi ro ja kuechi ja ká'an ro ma.

Proverbios 4:24 ပူးပေါင်းရင်းမြစ်များ

Salmos 34:14

Kakayata ni nuu ja u'vi ma, te nduku ni ja sa'a ni ja va'a ma. Nduku ni ja koo mani ni ji'in ndaka ñayii ma, te ndimaa sukan ko sa'a ni.

Proverbios 10:32

Vaa ja ká'an ñayii sa'a ja u'vi ma chi nanimaa tnu'u kini tnu'u ndeva'a kúu, te masu játna ini o, kovaa ja ká'an ñayii sa'a ja va'a ja ndaa ma chi játna ini o.

Proverbios 17:20

Ñayii nde'e xeen kaa ini ma chi masu kee nawa ñu'u ini i ja sa'a i ma, te ja sukan ká'an tnu'u i ma, te jákun‑nee i nuu ja u'vi ma.

Proverbios 19:1

Va'a‑ka visi kúnda'vi kúkee o ma te ndimaa sa'a o ja va'a ja ndaa ma, sana ja kava ndee xeen ini o ma te ko kuu o in ñayii tnu'u ja ndimaa xnda'vi o ñayii ma.

Proverbios 4:25

Te ndimaa konde'ya konde'ya‑ni ro ja va'a ma ja ko sa'a ro, te ûni ku'un ini ro ja kundee ro sa'a ro.

Proverbios 6:12

Ñayii sa'a ja u'vi ma masu jini‑ka maa i ja sa'a i ma, te nanimaa‑nka tnu'u ndeva'a tnu'u kini kée yu'u i ma.

Proverbios 8:13

Vaa ñayii yu'u Su'si ma vaa jini i ja iya ndákan kuenda kúu ya ma chi saxiko i ja u'vi ma ji'in ja kani ini o ja maa o kúu‑ka ma te kuvixi o ma, te suni saxiko i ñayii ka jika ichi u'vi ma te ka ka'an i nanimaa tnu'u ndeva'a tnu'u kini ma. Sa'a ká'an tnu'u ndichi Su'si ma.

Proverbios 8:8

Vaa ndaka tnu'u ká'an tnu'u káchi sa a chi tnu'u va'a tnu'u ndaa kúu, te masu ja ká'an sa ja sa'a u'vi ña'a sa kúu,

Colosenses 3:8

Kovaa vitna ja jâ ka iyo ni ji'in Cristo a, te jin xndoo ni ndaka ja u'vi ka sa'a i ma. Másu ko jin ndakiti‑ka ini nuu tna'a ni. Másu ko jin ka'an u'vi nuu tna'a‑ka ni. Másu ko jin ka'an ndeva'a ni ja jin kuu tna'a ni ma. Te másu ko jin ka'an‑ka ni tnu'u kini tnu'u ndeva'a nuu tna'a ni ma.

1 Timoteo 6:5

Te ñatuu jínu jin ndakanaa maa i ja ñatuu ka jaku'ni ini i ma, vaa masu ka jani va'a ini i, te ñatuu ka jaku'ni ini i tnu'u ndaa tnu'u ndija Su'si ma. Te ka jani ini i ja jin kuatniñu i tnu'u Su'si o a, sukan‑va'a kuu jin ni'i kua'a i xu'un nuu ñayii ka xnda'vi i ma. Te chukan kúu ja másu ko jin kondikin tna'a ni ji'in ñayii ya'a.

Santiago 1:21

Chukan kúu ja jin xtandiyo ni ndaka tu'u ja u'vi ja kini ka ñu'u ini anua ni a, te jin kava kuee ini ni, te jin kuan‑ta'vi ni tnu'u Su'si ma ja ni ka jakun‑nee ini anua ni a, vaa suu i sa'a ja kuu jin kaku ni nuu ja u'vi ma.

Santiago 1:26

Vaa nú na in jani ini ja in ñayii ndikin xeen Su'si ma kúu i ne'un ndaka o a, te chítna'nu i yaa i ma ji'in ndaka tnu'u ká'an i ma. Nú ña'a, te xnda'vi i ini anua i ma, te visi ká'an i ja ndikin i Su'si ma, kovaa ja ká'an i ma masu kétna'a ji'in ja sa'a i ma.

1 Pedro 2:1

Jín skana jín skuita o ndaka ja u'vi ma, ji'in ndaka ja ka xnda'vi tna'a o ma, ji'in ndaka ja ka ka'an o te masu ka sa'a o ma, ji'in ndaka ja ka kukueñu ini o ma, ji'in ndaka ja ka ka'an o tnu'u ja kuu in‑ka ñayii ma.