Proverbios 4:23 - New Testament Psalms and Proverbs in Mixtec Magdalena Peñasco

²³ Ko koto vava'a‑ka ini anua ro a sana ndaka‑ka ja neva'a ro a, vaa ini anua ro a kúu ja chindee ña'a ja koteku ro nuu Su'si ma.

Proverbios 4:23 ပူးပေါင်းရင်းမြစ်များ

Proverbios 11:16

Te ña'a va'a ini ma, te chíndee ña ñayii ka jiniñu'u ma chi ka ka'an vii ka ka'an va'a i ja kuu ña, kovaa tee visi iyo tnu'u ndee tnu'u ndatnu de te satniñu de ma chi yika‑ni ja ni'i de kúu xu'un ma‑ni.

Proverbios 13:3

Ñayii ndása'a kuenda te ñatuu ká'an yachi i ma chi ja jito va'a i maa i kúu, kovaa ñayii ñatuu nde ndása'a i kuenda ma te ká'an yachi i ma chi maa i‑ni sa'a ja jákun‑nee i nuu tnundo'o ma.

Proverbios 16:17

Ñayii sa'a ja va'a ja ndaa ma chi ûni ndí ini i ja kakayata i nuu ja u'vi ma, vaa ñayii jito va'a maa i ja ñatuu na ja u'vi‑ka sa'a i ma chi kaku i te ma skenaa i maa i.

Proverbios 22:5

kovaa ichi kua'an ñayii sa'a ja u'vi ma chi nanimaa tnundo'o tnuneni kenda koo nuu i ma, vaa jani ini i ja va'a‑ni kúu ja sa'a i ma, kovaa ndimaa ja skenaa i maa i kúu.

Proverbios 23:19

Sa'ya maa ri, ko kuu in ñayii ndichi, te ku'un kaji ku'un va'a ini ro, te ko kaka va'a ro ichi ndaa Su'si a.

Proverbios 28:26

Ñayii kúkanu ini maa i ma ja va'a‑ni kúu ja sa'a i ma chi ñayii ndee ini kúu i te ñatuu jáku'ni ini i, kovaa ñayii ndichi ma chi ndása'a i kuenda nawa sa'a i ma, te kee va'a i te kaku i nuu tnundo'o tnuneni ma.

Proverbios 3:21

Sa'ya maa ri, ku'un kaji ku'un va'a ini ro, te konde'ya vava'a ro sukan ká'an tnu'u ndichi Su'si a, te ko sa'a ro sukan ká'an ya ma,

Proverbios 4:7

Ja kanuu xeen‑ka kúu ja kutu'va ro tnu'u ndichi ma te ko kuu ro in ñayii ndichi ma, sana ndeva'a‑ni nawa ko ni'i ko tna'a ro ñuu ñayivi a.

Mateo 15:18

Kovaa ndaka ja u'vi ñu'u ini anua o a, te cha'a kúu ja satne'e ña'a i nuu Su'si ma.

Mateo 15:19

Vaa onde ini anua ñayii ma ka ñu'u ndaka ja u'vi ma, te chukan kúu ja kénda ja ka jani ini i ma, ja jin ka'ni i tna'a i ma, ji'in ja ñayii ni ka tnanda'a ma, te ka kivi nduu i ji'in in‑ka ñayii ma, ji'in ja jin kivi nduu i ji'in ndi‑in ndi‑in ñayii ñatuu ni ka tnanda'a ji'in i ma, ji'in ja jin sakui'na i ma, ji'in ja ka ka'an i tnu'u ñayii ma, ji'in ja ka ka'an kini i ma.

Marcos 14:38

Jin kondito ni, te jin kakan‑ta'vi ni nuu Su'si ma, sukan‑va'a má ska'an ña'a tachi ma ja jin sa'a ni ja u'vi ma. Ndaka ni chi ka jani va'a ini ni, kovaa yikikuñu ni a chi vita xeen i ―‍kúu ya jiña'a ya.

Lucas 6:45

Ñayii va'a ma, ká'an i tnu'u va'a, vaa tnu'u va'a ñu'u ini anua i ma, te ñayii ká'an ja u'vi ma, sukan ká'an i, vaa ja u'vi ma ñu'u ini anua i ma. Vaa ja ñu'u ini anua ñayii ma kúu ja ká'an yu'u i ma.

Hebreos 12:15

Jín ko ndi ini o nasa yukan, te nde o masu ni'i ja vii ja va'a ja ni skuta'vi ña'a Su'si ma, nasa yukan, te nde o yikuu sa'a ja u'vi ja ñatuu kandija o ja ká'an Su'si ma, te ja'nu ndee o ja jin kua'nu‑ka tna'a o ma nuu Su'si ma, te nasa yukan, te jin kuikin tna i xiko nde o ka sa'a ja u'vi ma, te sukan jin ko sa'a tna i.