Proverbios 4:19 - New Testament Psalms and Proverbs in Mixtec Magdalena Peñasco

¹⁹ Kovaa ñayii ka sa'a ja u'vi ma chi kuenda tnu'u ja nee kuiti ichi kuan koo i ma, vaa ni masu ka jini maa i, te ka kendeka ka kee ni'ni i kuan koo i.

Proverbios 4:19 ပူးပေါင်းရင်းမြစ်များ

Salmos 82:5

’Vaa tee ya'a chi ka sa'a de ja u'vi ma, te ni masu nde ka jini de, te ni masu nde ka jaku'ni ini de nawa ka sa'a de ma, vaa ka iyo de nuu nee kuiti ma. Te ndaka kuiti ja ni tatnuni Su'si ma sukan ko kuu nuu ñayii ma ni ka ndaxsama de”, kúu ya jiña'a ya.

Proverbios 2:13

Vaa ka xndoo i ichi va'a ichi ndaa Su'si ma te kuan koo maa i ichi nuu nee, ichi nuu masu ka jaku'ni ini i ja ja u'vi kúu ja ka sa'a ka kuu i ma.

Proverbios 22:5

kovaa ichi kua'an ñayii sa'a ja u'vi ma chi nanimaa tnundo'o tnuneni kenda koo nuu i ma, vaa jani ini i ja va'a‑ni kúu ja sa'a i ma, kovaa ndimaa ja skenaa i maa i kúu.

Mateo 15:14

Má jin sanuu ni, vaa ñayii inukuaa ka kuu de, te ka kuni de ja jin skaka de in‑ka ñayii kuaa ma. Vaa ka jini maa ni ja nú in tee kuaa ma, te skaka de in‑ka tee kuaa ma, te nú iyo in kava chi nduu de jin kê koo ―‍kúu ya jiña'a ya.

Mateo 7:23

Kovaa sani te ndakuña'a sa nuu ñayii yukan: “Masu nama uun ni jini ña'a sa. ¡Kuán koo ni kuán jin ndiyo ni nuu iyo sa a! ¡Vaa ndijin chi ñayii ka sa'a ja u'vi ma ka kuu ni!”, kuña'a sa i.

Juan 11:10

kovaa ñayii jika jakuaa ma chi nduva i, vaa ñatuu na ñu'u xtnuu nuu i ichi kaka i ma ―‍kúu ya jiña'a ya.

Juan 12:35

Jesús ma, jiña'a ya: ―‍Kuenda kúu ñu'u ndú'va te xtnuu vivii i ma, kúu sa ne'un ndaka ni a, kovaa yika ja jaku‑nka‑ni kivi koo sa ji'in ndaka ni. Nani iyo‑ka sa ja kúu sa ñu'u ndú'va te xtnuu vivii sa nuu ni a, kuán koo ve koo‑ka ni jin ko kuu ni, nasa yukan, te ki tna'a ña'a ja kunee ma. Vaa nú na in kua'an nuu nee ma, ñatuu jini i ndenu kua'an i.

1 Juan 2:11

Kovaa nú na in ndákiti ini i nuu tna'a i ma, iyo i nuu nee ma, te kua'an vee i nuu nee ma kúu i, te ñatuu jini i ndenu ki'in i, vaa nuu nee ma iyo i, te ñatuu kúndijin nuu i.