Proverbios 31:31 - New Testament Psalms and Proverbs in Mixtec Magdalena Peñasco

³¹ Jin ndakua'a ni jayiñu'u ña'a sa'a ja va'a ma, jin ndakunitnuni ni ndaka ja sukan sii ini satniñu ña ma. Jin ndaka'an jin ndakachi ni ndaka ja vii ja va'a sa'a ña ma te na jin kuni ndaka ñayii ma.

Proverbios 31:31 ပူးပေါင်းရင်းမြစ်များ

Salmos 128:2

Te ora satniñu ni ji'in nda'a ni ma, sana ní'i ni nawa jaa ni ma chi, ¡naka vava'a‑ka kuu ni, te va'a‑ni ko kuu ni!

Proverbios 11:30

Ñayii sa'a ja va'a ja ndaa ma chi sa'a i ja jin koteku ñayii ma, vaa ñayii ndichi kúu i, te ja sa'a i ma sa'a ja jin kandija ñayii ma Su'si ma te jin ndani'i ta'vi i.

Proverbios 31:16

Ja'an ña jan koto ña ñu'ú ka ndaxiko i ma te ndákuaan ña ji'in xu'un ni ni'i maa ña ma, te nuu ñu'ú yukan chi súnkoo ña ja ni jaan ña ji'in xu'un ni ni'i ña ma.

Proverbios 31:30

Ja vivii kaa in ña'a ma te vivii ká'an ña ma chi in ja xnda'vi‑ni ña'a kúu, nú chukan na kukanu ini o, kovaa ña'a yu'u Su'si ma te ñatuu sa'a ña ja u'vi ma chi ja ndaa kúu ja iyo ña ja koo jayiñu'u ña.

Mateo 7:16

Te ja sukan ka sa'a ka kuu i ma, te jin ndakuni o na in ka kuu i. ¿Xi ndáxtutu o uva nuu tnu iñu ma, xi ndáxtutu o higo nuu iñu xkuindivi ma?

Mateo 7:20

Te suni sukan ka kuu tna ñayii ma. Vaa ja ka sa'a ka kuu i ma, te ndakuni o na in ka kuu i, nú ñayii va'a xi ñayii u'vi ka kuu i.

Hechos 9:39

Sani te Pedro ma, kua'an de ji'in tee ni jan koo ma. Te nuu ni kenda de ma, ni ka jan xsia'a i de ve'e ichi sukun ma, te ni jan koo ndaka ña'a ni ka ji'i yii ma, ka nda'yu ña, te ka kaxtnu'u ña sa'ma ka ndii ka nama ñayii ma ja ni yo sa'a ña'a nani Isu Vivii ma nuu ni yo teku ña ma.

Romanos 16:12

Jin ndakua'a ni nchuxi nuu Trifena a ji'in Trifosa a, ña'a ka satniñu nuu Iya Tátnuni a. Jin ndakua'a ni nchuxi ña'a nani Pérsida a, ña'a satniñu xeen nuu Iya Tátnuni a, ña'a ka kutoo o a.

Romanos 16:6

Jin ndakua'a tna ni nchuxi ña'a nani María a, ña'a satniñu xeen ja jin kuu maa ni a.

Filipenses 4:17

Vaa masu ndúku sa ja na jin taa kua'a ni ja kuatniñu sa chi su'va ja kúni sa kúu ja jin sa'a kua'a‑ka ni ja va'a nuu Su'si ma, sukan‑va'a koo kua'a‑ka ja ni ka sa'a ni nuu Su'si ma, te ndataa ya.

1 Timoteo 5:25

Te suni sukan kúu ji'in jaku ñayii ka sa'a ja va'a ma chi yachi‑ni kuni o ja va'a ka sa'a i ma. Te ja va'a ka sa'a jaku‑ka ñayii ma chi kuee‑ka sana kuni o, kovaa masu ja kuyu'u kúu ja va'a ka sa'a ka kuu o a.

Hebreos 6:10

Vaa Su'si o a chi ndimaa sa'a ndaa ya, te masu ndunaa ya ja ka sa'a ka kuu ni a, sukan ni ka keja'a ni ka kutoo ni ñayii ni ka nduu sa'ya Su'si o a, te ka jinukuechi ni nuu i ma, te sukan tna ka sa'a ka kuu ni onde vitna.

Apocalipsis 14:13

Te ni jiniso'o sa onde andivi ma ja ká'an nuu sa: ―‍Tee ni: “Onde vitna te kivi ki'in o a, ja vava'a kúu ñayii kándija Iya Tátnuni ma, te visi na kûu i ma.” ―Sa'a ka'an ja ni jiniso'o sa ma. Te sa'a ká'an Xtumani Ndios ma: ―‍Saa vi. Ndatatu ñayii ma, masu satniñu‑ka i, te ja va'a ni yo sa'a ni yo kuu i ma koo ji'in i nuu Su'si ma ―‍kúu ya ká'an ya.