Proverbios 31:30 - New Testament Psalms and Proverbs in Mixtec Magdalena Peñasco

³⁰ Ja vivii kaa in ña'a ma te vivii ká'an ña ma chi in ja xnda'vi‑ni ña'a kúu, nú chukan na kukanu ini o, kovaa ña'a yu'u Su'si ma te ñatuu sa'a ña ja u'vi ma chi ja ndaa kúu ja iyo ña ja koo jayiñu'u ña.

Proverbios 31:30 ပူးပေါင်းရင်းမြစ်များ

Salmos 112:1

¡Naka vii naka va'a kúu ñayii yu'u Su'si ma te ñatuu sa'a‑ka i ja u'vi ma! Te sii ini xeen iyo i ja sa'a i sukan tátnuni ya ma.

Salmos 147:11

Su'si o a chi ja játna ini ya kúu in ñayii yu'u, nasa yukan, te sa'a i in ja u'vi ja ñatuu játna ini ya ma, te ni‑yu'u ni‑ini i kúkanu ini i ya ja kútoo ña'a ya te kúnda'vi ini ña'a ya.

Proverbios 1:7

Vaa ja ko kuu o in ñayii ndichi ma chi xinañu'u kuiti ja koyu'u o Su'si ma, nasa ko sa'a o in ja masu jatna ini ya ma, te sukan, te ko kuu o in ñayii ndichi ndija, kovaa ñayii iyo neé janitnuni i ma chi ñatuu káchi i jaku'ni ini i sukan kúni Su'si ma, te saxiko i tnu'u ndichi ká'an ya ma.

Proverbios 11:16

Te ña'a va'a ini ma, te chíndee ña ñayii ka jiniñu'u ma chi ka ka'an vii ka ka'an va'a i ja kuu ña, kovaa tee visi iyo tnu'u ndee tnu'u ndatnu de te satniñu de ma chi yika‑ni ja ni'i de kúu xu'un ma‑ni.

Proverbios 11:22

Te masu nde jiniñu'u ja vivii kaa ña'a ma, nú kunee ku‑uun ña te ñatuu ndása'a ña kuenda naxe ko kuu ña ma, chi kuenda tnu'u ja in oro ni ka chinee i kutu chikini ma te sa'a ndeva'a ti ma, sukan‑ni sa'a ña maa ña.

Proverbios 22:4

Ñayii kaa vii kaa kuee ini ma te ñatuu kúvixi i ja maa i kúu‑ka vaa yu'u i Su'si ma vaa jini i ja iya ndákan kuenda kúu ya ma, ja ndani'i ndatna'a i kúu ja ko ni'i ko tna'a i ja koneva'a i, te koo jayiñu'u i, te koteku i ni‑kani ni‑jika,

Proverbios 31:29

“Kua'a xeen ña'a ka sa'a ja va'a, kovaa ro'o chi sa'a va'a xeen‑ka ro sana ndaka‑ka ña ma”, kúu de jiña'a de.

Proverbios 31:31

Jin ndakua'a ni jayiñu'u ña'a sa'a ja va'a ma, jin ndakunitnuni ni ndaka ja sukan sii ini satniñu ña ma. Jin ndaka'an jin ndakachi ni ndaka ja vii ja va'a sa'a ña ma te na jin kuni ndaka ñayii ma.

Proverbios 6:25

Te máko ndiyo ini ro ja vivii kaa ña ma, te ni máko kua'a ro tnu'u ja kundee ña xnda'vi ña'a ña ji'in nduchinuu ña ma.

Proverbios 8:13

Vaa ñayii yu'u Su'si ma vaa jini i ja iya ndákan kuenda kúu ya ma chi saxiko i ja u'vi ma ji'in ja kani ini o ja maa o kúu‑ka ma te kuvixi o ma, te suni saxiko i ñayii ka jika ichi u'vi ma te ka ka'an i nanimaa tnu'u ndeva'a tnu'u kini ma. Sa'a ká'an tnu'u ndichi Su'si ma.

Lucas 1:6

Te nduu de ka iyo va'a nuu Su'si ma, te ni ka yo kandija de ja ni yo tatnuni ya ma, te ñatuu na kuechi de iyo nuu Su'si ma.

Romanos 2:29

Su'va ja jin ko kuu o ñayii judío ndija ma kúu ja nú ni nduvii ni ndundoo ini anua o a, te sukan, te ini anua o a ni nukitnuni ndija i nuu Su'si ma. Vaa masu yika‑ni ja kúu ká'vi o sukan ndee tnu'u ni ka'an Moisés ma kúu ja ko kuu o ñayii judío ma chi su'va nú maa Xtumani Ndios ma ni ndaxsama ña'a. Te ja ñu'u ini o kúu ja Su'si ma ndaka'an va'a ndaka'an vii ja sa'a o ma, te masu ñu'u ini o ja ñayii ma, jin ka'an vii ja sa'a ja kuu o ma.

1 Corintios 4:5

Chukan kúu ja máko jin ka'an yachi‑ni ni nawa kúu. Va'a‑ka ja na jin kondetu o ja kenda kivi ndenda Iya Tátnuni ma, vaa maa ya ndakaxtnu'u tna'a ja ka iyo yu'u nuu nee ma, te maa ya ndakaxtnu'u nawa ni jani ini anua o ma ja sa'a o ma, te sani te ndi‑in ndi‑in o ja ni ka sa'a o ja va'a ma jin ndani'i jayiñu'u nuu Su'si ma.

Santiago 1:11

Vaa nuna kana kandii ma te ku‑i'ni xeen ma, te yi'i ma chi yichi i, te ita i ma chi kun‑kava, te naa ja vivii ni kaa i ma. Te suni sukan kúu tna xiku ma ji'in ndaka ja jaan i ma ji'in ja ndáxiko i ma.

1 Pedro 1:24

Vaa: Ndaka ñayii ma, sukan kúu in yi'i ma kúu i, te ndaka jayiñu'u ñayii ma, sukan kúu ita nuu yi'i ma kúu i. Yi'i ma chi yíchi i, te ita i ma chi jínkava,

1 Pedro 1:7

Vaa sukan kúu oro ma, visi na jin chunee jin chunee de i nuu ñu'u i'ni‑ka ma su'va nduu nanimaa‑ka i, te sukan jin ko kuu tna o, te visi na jin ndo'o xeen‑ka o, kovaa sukan, te vivii‑ka jin kukanu ini‑ka o ya. Te sukan, te jin koo jayiñu'u o kivi jin kuni o sukan kaa maa Jesucristo ma.