Proverbios 31:26 - New Testament Psalms and Proverbs in Mixtec Magdalena Peñasco

²⁶ Te ora ká'an ña ma, ndimaa tnu'u ndichi ká'an ña, vaa ja káxtnu'u ña ma kúu ja ndimaa jín kutoo tna'a ñayii ma te jín kuaan mani tna'a i.

Proverbios 31:26 ပူးပေါင်းရင်းမြစ်များ

Proverbios 10:31

Ndimaa tnu'u ndichi ká'an káchi ñayii sa'a ja va'a ja ndaa ma, kovaa ja ká'an ñayii so'o ñayii ndee ini ma masu nde kuatniñu o.

Proverbios 12:18

Ka iyo ñayii ma chi tnu'u ka ka'an i ma‑ni, te ka sa'a i ja tna‑u'vi ini o vi'i‑ka sana ni xtnakue'e ña'a i, kovaa ñayii inundichi ma chi vivii ka ka'an i te ka ndataa i tnu'u kanu ini kuenda tnu'u ja in jatatna ni ji'i o te ni nduva'a o.

Proverbios 16:24

vaa kuenda tnu'u ja sukan asi jaa nduxi ñuñu ma, sukan ka kuu tnu'u vii tnu'u mani ká'an ñayii ma, vaa sa'a i ja ndusii ini yikikuñu o.

Proverbios 19:14

Xu'un ma ji'in ve'e ma chi ja nduta'vi tee ma nuu yuva de, nuu si'i de ma kúu, kovaa ja ñasi'i de ma te in ña'a ndichi kúu ña ma chi maa Su'si ma ni skuta'vi ña'a.

Proverbios 25:15

Ja ka'an kuee o nuu tee netniñu ma chi sa'a i ja ma ndakiti ini de te kuu kunda'vi ini ña'a de nawa jikan o ma.

Proverbios 31:27

Másu ña'a kuxi kúu ña, vaa ndí ini ña ja ndaka ja iyo ve'e ña ma na jin koo va'a, te másu nama jaa ña xita nú masu onde satniñu ña.

Lucas 1:38

Sani te María ma, jiña'a i: ―‍Saña chi suchi iyo nuu nda'a maa Iya Tátnuni ma kúu sa. Maa Su'si ma sa'a sukan ká'an ni a ―‍kúu i jiña'a i. Sani te ángel ma, kuan no'o i.

Hechos 18:26

Te ñatuu ni yu'u de, te ni keja'a de ká'an de ini veñu'u luluu ma. Te ni ka jiniso'o Priscila ma ji'in Aquila ma, te ni ka kene'e siin de tee ma, te vivii ni ka ndakaxtnu'u ndaa‑ka de siki ichi Su'si ma.

Hechos 6:15

Te tee ka tatnuni ma, ji'in ndaka tee ka nukoo ma, ka nde'ya de Esteban ma, te ni ka jini de nuu tee ma, ja kaa sukan kaa in nuu ángel ma.

Efesios 4:29

Ñatuu ni‑in tnu'u ndeva'a ko kee yu'u ni a, ja kuña'a ni nuu tna'a ni ma, su'va tnu'u ká'an ni ma ko kuu tnu'u kuatniñu, sukan‑va'a jin chindee tna'a ni ja jin koo va'a‑ka ni nuu Su'si ma. Te ja sukan jin sa'a ni ma, te vivii jin kuatnu'u ini ña'a ñayii ka niniso'o ña'a ma.

Colosenses 4:5

Jin kani va'a ini ni naxe jin ko kuu ni ji'in ñayii ñatuu jin kandija‑ka tnu'u Cristo o a, te ndaka kivi ndaka ora, te jin kaxtnu'u ni tnu'u maa ya nuu ñayii ma.

1 Pedro 3:1

Ndijin ja ka kuu ni ña'a ma, jin kandija ni ja ka ka'an yii ni ma, sukan‑va'a yii ni ma, ja ñatuu ka kandija de Su'si ma, te ja jin konde'ya de sukan ka sa'a ka kuu ni ma, te jin kandija de Su'si ma, visi ñatuu ka kaxtnu'u ni tnu'u ya ma nuu de.