Proverbios 31:25 - New Testament Psalms and Proverbs in Mixtec Magdalena Peñasco

²⁵ Iyo xeen tnu'u ndee tnu'u ndatnu nuu ña, te iyo jayiñu'u ña nuu ñayii ma ja sukan sa'a ña ja va'a ma, te másu nde yu'u ña nawa ko kuu kivi ki'in o ma.

Proverbios 31:25 ပူးပေါင်းရင်းမြစ်များ

Salmos 132:16

Te sa'a sa ja jin kaku ndaka sutu ma, te sa'a sa ja jin koo sii ini xeen ñayii ñatuu‑ka na ja u'vi ka sa'a i ma.

Salmos 132:9

Te ndaka sutu ka jinukuechi nuu ni ma, na jin ndasa'a de ja va'a ja ndaa, te na jin ndusii ini ndaka ñayii ñatuu‑ka na ja u'vi ka sa'a i ma te ka kandija i ja ká'an ni ma.

Romanos 13:14

Su'va jín ku'un ini o ja maa Jesucristo iya tátnuni nuu o a, te jin ko sa'a o sukan ni yo sa'a ya ma. Te máko jin katanuu o nawa kúu ini yikikuñu o a ja sa'a o ma.

Efesios 4:24

Te jin nduu ni in ñayii jaa, sukan ni ndasa'a ña'a Su'si ma. Te jin ko kuu ni ñayii jin ko sa'a ja va'a ja ndaa, te ñatuu‑ka na ja u'vi jin ko sa'a kuiti ni.

1 Timoteo 2:10

Su'va jín ku'un ini ña ja jin sa'a ña ja va'a ja játna ini Su'si ma, sukan ka sa'a ña'a ka kandija Su'si ma.

1 Timoteo 2:9

Te suni sukan tátnuni sa nuu ña'a ma ja jín kava ñuka ini sa'ma jin kone'nu ña ma, te máko jin ko ndi ini ña ja jin kone'nu ña sa'ma va'a xeen te ndee ya'vi xeen ma, ni a ko jin ndatnaa vivii ña xini ña ma te jin ko kani ini ña ja sukan, te vivii‑ka ka na'a ña ma, chi ña'a. Ni a jin ku'un nda'a ña ma, xi ja jin ku'un sukun ña ma, xi ja jin ki'i so'o ña ma oro xi siki kúu perla ma, te jin ko kani ini ña ja vivii‑ka ka na'a ña, chi ña'a.