Proverbios 31:10 - New Testament Psalms and Proverbs in Mixtec Magdalena Peñasco

¹⁰ Ña'a tiñi'i ini ma te ndúku ña ja sa'a ña ja va'a ma, masu ndenu iyo ndeva'a ña'a yukan. Vaa in ña'a kúu sukan chi ja va'a xeen‑ka kúu sana yuu vivii ma ka ndee ya'vi xeen ma.

Proverbios 31:10 ပူးပေါင်းရင်းမြစ်များ

Proverbios 12:4

Te ña'a ñu'u kaji ñu'u va'a ini ma chi ja sa'a ja kúu ña ma te ní'i yii ña ma jayiñu'u, kovaa ña'a ñatuu ñu'u kaji ñu'u va'a ini ma chi sukan kúu kue'e kívi onde yiki ñayii ma sukan kúu ña nuu yii ña ma.

Proverbios 14:1

Ña'a ndichi ma chi sa'a ña ja vivii jin ketna'a ini ndaka ñayii ve'e ña ma, kovaa ña'a so'o xeen kaa ma te kúnee kú‑uun ña ma chi maa ña sa'a ja ñatuu ka ketna'a ini ñayii ve'e ña ma.

Proverbios 18:22

Suchi jaa ní'i ñasi'i ma chi in ja vii ja va'a ni kuta'vi i, vaa ni kunda'vi ini Su'si ma i, te ni skuta'vi ya i ñasi'i i ma.

Proverbios 19:14

Xu'un ma ji'in ve'e ma chi ja nduta'vi tee ma nuu yuva de, nuu si'i de ma kúu, kovaa ja ñasi'i de ma te in ña'a ndichi kúu ña ma chi maa Su'si ma ni skuta'vi ña'a.

Proverbios 20:15

Ja va'a‑ka kúu ñayii káji tnu'u va'a ká'an i ma sana ja ñayii neva'a kua'a xeen oro xi yuu vivii ka ndaa te ka ndeya'vi xeen ma.

Proverbios 3:15

Ja va'a xeen‑ka kúu tnu'u ndichi Su'si ma sana yuu vivii ka ndaa ma te ka ndeya'vi xen‑xeen ma. Tnu'u ndichi Su'si a chi ûni ñatuu nawa iyo ñuu ñayivi a ja inuu kúu ji'in i.

Proverbios 31:11

Vaa yii ña ma chi kúkanu ini xeen de ña, te nduu de ji'in ña chi ndimaa jin ko ni'i jin ko tna'a de.

Proverbios 8:11

Te ja va'a xeen‑ka kúu tnu'u ndichi a sana yuu vivii ma, te ni‑in ja játna ini o iyo ñuu ñayivi a ñatuu kétna'a i ji'in tnu'u ndichi Su'si a, vaa ja va'a xeen kúu tnu'u ndichi a.