Proverbios 30:7 - New Testament Psalms and Proverbs in Mixtec Magdalena Peñasco

⁷ Su'si Iya Tátnuni, uu ja jikan‑ta'vi xeen sa nuu ni, te skuta'vi ña'a ni nduu cha'a nani ndito téku sa ñuu ñayivi a.

Proverbios 30:7 ပူးပေါင်းရင်းမြစ်များ

Salmos 21:2

Vaa ni jikan‑ta'vi de nuu ni ma, te maa ni chi ni wa'a ni ja ni kuu ini de ma, te ñatuu nde ni jiña'a ni ja másu kuu.

Salmos 27:4

In‑ni ja ni jikan‑ta'vi sa nuu Iya Tátnuni ma, te chukan kúni sa ja na kuu sa'a sa: Ja na koo sa ve'e Iya Tátnuni ma ndaka kivi koteku sa a, te konde'ya konde'ya‑ni sa ya, te kuni sa sukan vii sukan luu kaa ya ma, te kakan‑tnu'u kakan‑tnu'u sa ya naxe ko sa'a ko kuu sa ma.

Proverbios 30:6

Chukan kúu ja máko nduku ni ja ndaxsama ni sukan ká'an tnu'u ya ma, nú ña'a te ndonda xeen Su'si ma nuu ni te xnani ña'a ya ñayii tnu'u.

Proverbios 30:8

In kúu ja máko ku'un‑ka ini sa tna'a ja masu nde jiniñu'u ma, ji'in ja máko ka'an‑ka sa tnu'u xnda'vi tna'a ma. Te in‑ka kúu ja chindee ña'a ni ja má ko kunda'vi ko kukee sa te ni a ko kuxiku xeen sa. Su'va ja jikan‑ta'vi sa nuu ni kúu ja na skuta'vi ña'a ni ja jiniñu'u sa ja koteku sa in kivi in kivi ma‑ni.

Lucas 10:42

Kovaa María a, ja jatanuu ña ja ká'an sa a chi ja va'a‑ka kúu, vaa ni kaji ña ja kanuu xeen‑ka ma, te ñatuu na in xtandiyo nuu ña ―‍kúu ya jiña'a ya.