Proverbios 30:5 - New Testament Psalms and Proverbs in Mixtec Magdalena Peñasco

⁵ Ndaka tnu'u ká'an Su'si a chi tnu'u ndaa tnu'u ndija, tnu'u nanimaa kúu, te kuu kukanu ini o ya, vaa jasi ndee ña'a ya nuu ja u'vi ma ja ma kaki'i ña'a i.

Proverbios 30:5 ပူးပေါင်းရင်းမြစ်များ

Salmos 119:140

Ja ndaa ndija kúu ja tnu'u tátnuni ni ma, tnu'u nanimaa kúu i, te saña ja jinukuechi sa nuu ni a, vi Su'si, chi játna ini sa.

Salmos 12:6

Tnu'u Iya Tátnuni a chi tnu'u nanimaa kúu, sukan ni nduu nanimaa plata ma ja ni ja'an i uja jichi nuu ñu'u i'ni ma.

Salmos 144:2

Te maa ya kúu iya ka ketna'a ini ji'in sa, te kútoo ña'a ya, te másu xndoo ña'a ya, vaa maa ya sa'a ja kaku sa nuu ja u'vi ma, vaa sukan kúu in ve'e sukun kúu ya, te kuu chu'u sa, sukan‑va'a kaku sa nuu ñayii ñatuu ka kunimani nuu sa ma. Te kúkanu ini sa ja maa ya kúu iya jasi ndee jasi ndoso ña'a ja ñatuu ni‑in ja u'vi kaki'i ña'a, te maa ya kúu iya sa'a ja sava‑ka ñuu ma, kúu tátnuni sa nuu i.

Salmos 18:2

Iya Tátnuni, maa ni kúu toto nuu kuu konukuiñi va'a sa, te maa ni kúu ve'e sukun sukun nuu kuu chu'u sa. Te maa ni kúu iya sa'a ja kaku sa. Maa ni kúu Su'si maa sa. Maa ni kúu iya táa tnu'u ndee tnu'u ndatnu. Nuu maa ni kúkanu ini sa, vaa maa ni kúu iya jasi ndee jasi ndoso ña'a, ja ni‑in ja u'vi ma másu kaki'i ña'a, te maa ni chíndee ña'a ja na kaku sa nuu ndaka ñayii ñatuu ka kunimani nuu sa ma, vaa maa ni kúu ve'e sukun sukun nuu kuu chu'u sa ma.

Salmos 18:30

Ichi káxtnu'u Su'si ma chi ichi va'a ichi ndaa kúu, te tnu'u káxtnu'u ya a chi tnu'u ndaa tnu'u ndija kúu, te ndaka ñayii ka kukanu ini ya ma chi maa ya kasi ndee kasi ndoso ja ñatuu ni‑in ja u'vi kaki'i ña'a.

Salmos 18:31

Vaa maa in‑ni Iya Tátnuni ma kúu Su'si o a, te ñatuu na in‑ka ya iyo, nú masu ja maa in‑ni ya kúu toto nuu kuu koxtnee va'a o.

Salmos 19:8

Tnu'u tátnuni Iya Tátnuni ma chi tnu'u ndandaa kúu, vaa sa'a i ja koo sii ini ini anua ñayii ma. Tnu'u tátnuni Iya Tátnuni ma chi tnu'u nanimaa kúu, vaa ndáxtnuu i nuu ñayii ma sukan‑va'a ma skenaa i maa i.

Salmos 3:3

Kovaa ndijin, vi Su'si Iya Tátnuni, maa ni kúu nuu kuu kaku sa. Maa ni kúu iya sa'a ja koo jayiñu'u sa. Maa ni kúu iya ndátaa tnu'u ndee tnu'u ndatnu ini anua sa a, vi Su'si maa sa.

Salmos 84:11

Vaa nuu iyo ni a chi kaji kaji ndíi sukan ndíi kandii ma, te maa ni jasi ndee jasi ndoso ña'a ja na kaku sa nuu ja u'vi ma, vi Su'si. Te skuta'vi ña'a ni ja vii ja va'a, te koo jayiñu'u sa, vi Su'si Iya Tátnuni. Vaa Su'si ma chi masu kendee ya ja vii ja va'a ka kuta'vi ñayii ka sa'a ja va'a ja ndaa ma.

Salmos 91:2

Kuña'a sa nuu Iya Tátnuni ma: “Maa ni kúu nuu kuu chu'u sa. Maa ni kúu ve'e sa ja núkuiñi vava'a. Maa ni kúu Su'si sa ja kúkanu ini ña'a sa”, kuña'a sa ya.

Proverbios 2:7

Te chukan kúu ja ñayii ni‑yu'u ni‑ini i ndikin i ya ma te ñatuu ni‑in ja u'vi sa'a i ma chi ñukuun jito va'a ya i, te chíndee ya i nawa ka kuni i ja jin sa'a i ma.

Proverbios 29:25

Ñayii koyu'u in‑ka ñayii ma chi ja xnda'vi ña'a ja u'vi ma kúu, kovaa ñayii kúkanu ini Su'si ma chi koo va'a i te koo jayiñu'u i.

Romanos 7:12

Jâ ka jini o ja tnu'u ni tatnuni Moisés ma chi ja ndaa ja ii ja va'a kúu i.

Santiago 3:17

Kovaa tnu'u ndichi ja vee onde sukun ma kúu tnu'u nanimaa Su'si ma, te sa'a i ja kava kuee ini ñayii ma, te sa'a i ja ka'an mani tna'a ñayii ma, te kava va'a ini i, te kunda'vi ini i tna'a i ma, te masu sa'a siin i tna'a i ma, ni a masu xnda'vi i tna'a i ma, su'va sa'a i ja va'a ma. Te nú sa'a i sukan, te in ñayii ndichi kúu i.