Proverbios 30:12 - New Testament Psalms and Proverbs in Mixtec Magdalena Peñasco

¹² te ka iyo jaku i ja ka jani ini i ja ñayii masu na kuechi ka ndiso ka kuu i, kovaa ja ndandaa kúu ja ñayii ka sa'a ja u'vi ka kuu i.

Proverbios 30:12 ပူးပေါင်းရင်းမြစ်များ

Salmos 36:2

Te jani ini i ja va'a‑ni kúu ja sa'a i ma, te másu nde ndása'a i kuenda ja saxiko Su'si ma ja u'vi sa'a i ma.

Salmos 51:2

Ndakate ni ndaka ja u'vi ni yo sa'a sa ma, te ndasavii ña'a ni, sukan‑va'a máko kondiso kuechi‑ka sa nuu ni a,

Salmos 51:7

Ndasavii ndasandoo ña'a ni sukan kúni maa ni, te nduvii sa. Ndakate ña'a ni, te ndukuijin kuijin sa sukan kaa yu'va kúun ora vijin xeen ma.

Proverbios 16:2

Ndaka ja sa'a ja kúu ñayii ma chi jani ini maa i ja ja va'a‑ka kúu nuu Su'si ma, kovaa maa ya chi jini ndaa ya nú ja va'a kúu xi ña'a.

Proverbios 21:2

Ndaka ja jani ini ñayii ma te sa'a i ma, kua'a ja va'a kúu jani ini maa i, kovaa maa Su'si ma kúu iya ndáka'an nú ja va'a kúu xi ja u'vi kúu ja ñu'u ini i ja sa'a i ma.

Lucas 16:15

Jesús ma, jiña'a ya: ―‍Ndijin, ka sa'a ni tnu'u ja ñayii va'a‑ka ka kuu ni sana in‑ka ñayii ma, kovaa Su'si ma, jini ya naxe ka iyo ini anua ni a. Vaa iyo ja ka jani ini ñayii ma ja ja va'a‑ka kúu, kovaa Su'si ma, saxiko ya ndaka chukan.

Lucas 18:11

Tee kúu fariseo ma, núkuiñi de, te sa'a jikan‑ta'vi de: “Su'si, kuta'vi sa nuu ni, vaa masu kúu sa sukan ka kuu‑ka ñayii ma, ja ka sakui'na i ma, ja ka sa'a i ja u'vi ma, ja ka kivi nduu i ji'in in‑ka ña'a ma, te masu kúu sa sukan kúu tee yukan tee ndáke'en ya'vi xu'un no'o ñuu Roma ma.

1 Corintios 6:11

Te visi sa'a ni ka yo sa'a jaku ni, kovaa jâ ni ka ndundoo ni, vaa jâ ni ka xndoo ni ndaka ja u'vi yukan ma, te ja maa Jesús Iya Tátnuni ma ji'in ja maa Xtumani Su'si o a, te ni ka nduu ni ñayii ka sa'a ja va'a ja ndaa.

2 Timoteo 3:5

Te yu'u vii yu'u va'a i jin ko kuu i, kuenda tnu'u ja ñayii ka sa'a sukan játna ini Su'si ma ka kuu i, kovaa ndaka ja u'vi ka sa'a ka kuu i ma, te ka ndaxtuu i maa i ja ñayii ka xnda'vi ña'a ka kuu i, vaa masu na tnu'u ndee tnu'u ndatnu Su'si ma ka iyo ji'in i ja kuu jin sa'a i ja va'a ja ndaa ma. Chukan kúu ja másu jin kondikin tna'a ni ji'in ñayii ka sa'a sukan ma.

Tito 3:5

vaa ni sa'a ya ja ni ka kaku o nuu ja u'vi ma. Kovaa masu ja kuechi ja inuva'a xeen ini o ma kúu xi ja kuechi ja ja va'a xeen ka sa'a ka kuu o ma kúu ja ni sa'a ya ja ni ka kaku o nuu ja u'vi ma chi ña'a, chi ja ni kunda'vi ini xeen ña'a ya ma kúu ja ni ka kaku o nuu ja u'vi ma. Te maa Xtumani maa ya ma ni sa'a ja ni ka nduvii, ni ka ndundoo o, te ni ndasa'a jaa ña'a ya, te ni ka nduu o in ñayii jaa.

Apocalipsis 1:5

Te sukan tna na sa'a maa Jesucristo iya káxtnu'u ndaa ndaka sukan iyo ja ko kuu ma, iya ni ndateku xinañu'u ne'un ñayii ni ka ji'i ma, iya tátnuni nuu ndaka tee ka tatnuni ñuu teyu o a ja ka iyo de ñuu ñayivi a. Te maa ya kúu iya ni kutoo ña'a, te ni ndakate ya ndaka kuechi o ma ji'in niñi ya ma.