Proverbios 3:4 - New Testament Psalms and Proverbs in Mixtec Magdalena Peñasco

⁴ Te sukan, te kuatnu'u ini ña'a Su'si ma ja va'a‑ni sa'a ro, te suni jin ka'an vii jin ka'an va'a ñayii ja kuu ro.

Proverbios 3:4 ပူးပေါင်းရင်းမြစ်များ

Salmos 111:10

Ja ko kuu o in ñayii ndichi ma kúu ja koyu'u o Su'si Iya Tátnuni ma te máko ko sa'a‑ka o ja u'vi ma. Vaa ñayii kándija te sa'a i sukan tátnuni Su'si ma chi janitnuni va'a‑ka koneva'a i, te ko ndachiñu'u i Su'si ma ni‑kani ni‑jika.

Proverbios 12:2

Ñayii jani vii jani va'a ini ma chi játna ini Su'si ma ja sukan kúu i ma, kovaa ñayii jani ini ndimaa ja u'vi sa'a i ma chi maa Su'si ma sa'a ja ndachunaa i ja sa'a i ma.

Proverbios 13:15

Ñayii ka jaku'ni ini te ka sa'a i sukan kúni Su'si ma chi kuatnu'u ini ña'a Su'si ma te skuta'vi ña'a ya ja vii ja va'a, kovaa ñayii sa'a so'o nuu Su'si ma chi ndimaa ndo'o neni i, vaa ñatuu játna ini Su'si ma ja sa'a i ma.

Proverbios 8:35

Vaa ñayii kuan‑ta'vi tnu'u ndichi ká'an ri a chi sa'a i ja koteku i te ni'i i ja skuta'vi ña'a Iya Tátnuni ma.

Lucas 2:52

Te Jesús ma, ve kundichi‑ka ya, te ve kua'nu‑ka ya, te ja sa'a ya ma játna ini Su'si ma te ka jatnu'u ini ña'a ñayii ma.

Hechos 2:47

Te vivii ni ka yo chiñu'u i Su'si ma, te ni ka yo ka'an va'a ndaka ñayii ñuu ma ja jin kuu i ma, te ndi‑kivi ndi‑kivi ni yo sa'a Su'si ma ja kénda koo ñayii jin ndani'i ta'vi ma.

Romanos 14:18

Vaa nuna sa'a o sa'a nuu Cristo ma chi sa'a o ja játna ini Su'si ma, te onde ñayii ma chi jin ka'an va'a jin ka'an vii i ja kuu o.

2 Corintios 8:21

Vaa ja ka ndi ini sa kúu ja jin sa'a sa ja va'a ja ndaa nuu Iya Tátnuni ma ji'in nuu ñayii ma.