Proverbios 3:34 - New Testament Psalms and Proverbs in Mixtec Magdalena Peñasco

³⁴ Ja ndaa ndija ja sukan sa'a ya ji'in ñayii ka ka'an yichi ka ka'an su'va‑ni i tnu'u ká'an ya ma, kovaa ñayii ka ka'an ja masu nawa kuu jin sa'a maa i ma nú masu ja onde ja maa ya ma sana kuu nawa jin sa'a i ma chi skuta'vi ya i ja vii ja va'a.

Proverbios 3:34 ပူးပေါင်းရင်းမြစ်များ

Salmos 138:6

Vaa Su'si Iya Tátnuni, iya iyo onde sukun ma kúu ni, te ndí ini ni ja jin kuu ñayii nda'vi ma. Kovaa jika‑ni nde'ya ni ñayii ka jani ini ja maa i ka kuu‑ka ma.

Salmos 18:26

Te vivii ko kuu ni ji'in ñayii vivii kúu i ji'in ni ma, kovaa xndo'o xneni ni ñayii sa'a ndeva'a tna'a i ma.

Proverbios 1:26

“Chukan kúu ja ru'u ya chi jakundendee‑ni ña'a ri kivi jin ndani'i jin ndatna'a maa ro ja u'vi ka sa'a ro a. Te kivi kenda ja ñatuu ka ni'i ini‑ka ro naxe jin sa'a ro ma ja ka yu'u ro ma chi ru'u ya chi ndajakundendee‑ni ña'a ri.

Proverbios 14:9

Ñayii so'o xeen ka ndaa ma chi ka sa'a i ja u'vi ma, te ûni ka kusisi maa i ja ka sa'a i tna'a ja masu játna ini Su'si ma, kovaa ñayii ka sa'a ja va'a ja ndaa ma chi maa i ka kuni ja jin sa'a i ja vii ja va'a ma.

Proverbios 16:19

Va'a‑ka ja na kani ini o ja masu nawa kúu o te koo o ne'un ñayii nda'vi ma, sana ja ko ni'i ko tna'a o ma te koo o ne'un ñayii ka jani ini ja maa i ka kuu‑ka ma.

Proverbios 19:29

Jâ iyo tu'va ja jin ndo'o jin neni ñayii ka jatna ini ja ma jin ka'an ndaa i ma, te suni jâ iyo tu'va yutnu xii ja jin ndo'o jin neni ñayii inundee ini ma.

Proverbios 21:24

Ñayii kúvixi maa i ja maa i kúu‑ka ma chi kúneé kú‑uun‑ni maa i, vaa ñayii ndee ini kúu i.

Proverbios 9:12

Chukan kúu ja nuna ko kuu ro ñayii ndichi ma chi ja va'a maa ro ko kuu, kovaa nuna ko kuu maa ro ñayii ndee ini te jakundee ro ñayii ndáka'an‑so'o nuu ro ma chi ja u'vi sa'a ro maa ro te ndachunaa maa ro ja sukan sa'a sukan kúu ro ma.

Santiago 4:6

Te chukan kúu ja Su'si ma, chíndee xeen ña'a ya, vaa ká'an tutu ndee tnu'u ya a: “Maa Su'si ma, masu kua'a ya tnu'u nawa jin sa'a ña'a ñayii ka jani ini ja maa i ka kuu‑ka ma. Kovaa chíndee xeen‑ka ya ñayii ka ndakunitnuni i ja ja maa ya ma, te ka iyo i ma.”

1 Pedro 5:5

Suni ndaka ro'o ja ka kuu ro suchi jaa a jin kandija ja ka ka'an tee nija'nu‑ka ma. Te ndaka ni jin kandija nuu tna'a, te má jin kani ini ja maa ni ka kuu‑ka xi ka ndanuu‑ka ni sana in‑ka ñayii ma: Vaa Su'si ma, masu niniso'o ya te ni masu katanuu ya ja ka ka'an ñayii ja ka jani ini i ja maa i ka kuu‑ka ma, kovaa ja vii ja va'a skuta'vi ya ñayii inuu‑ni jan‑ta'vi i ndaka ñayii ma.