Proverbios 3:33 - New Testament Psalms and Proverbs in Mixtec Magdalena Peñasco

³³ Vaa Su'si ma chi kua'a ya tnu'u, te kenda koo maa ja u'vi ma ve'e ke'e maa ñayii sa'a ja u'vi ma. Kovaa nuu ka iyo ñayii ka sa'a ja va'a ma chi tetniñu Su'si ma ja vii ja va'a ma.

Proverbios 3:33 ပူးပေါင်းရင်းမြစ်များ

Salmos 1:3

Te ja sukan sa'a i ma, te ko kuu i sukan kúu yutnu núkoo yu'u yute ma, ja kúun nde'ya tnu ma yoo iyo ja kuun i ma, te ni‑kani ni‑jika iyo kuii nda'a tnu ma. Te chukan kúu ja ndaka ja sa'a ñayii yukan chi kee va'a.

Salmos 37:22

Te ñayii ká'an ya ja sa'a i ja va'a ma chi jin ndani'i ta'vi i in ñu'ú va'a, kovaa ñayii ja ká'an u'vi ya ja jin kuu i ma chi xnaa ya i.

Salmos 91:10

te ni a in ja u'vi kenda nuu iyo ni a, te ni a in kue'e masu kenda ve'e ni ma,

Proverbios 10:6

Iyo ja vii ja va'a kuta'vi ñayii sa'a ja va'a ja ndaa ma, kovaa ñayii sa'a ja u'vi ma chi ndando'o ndatna'a xeen maa i ja u'vi sa'a i ma.

Proverbios 14:11

Ve'e ke'e ñayii sa'a ja u'vi ma chi kendoo nda'vi kendoo kee, kovaa ve'e ke'e ñayii ka sa'a ja va'a ja ndaa ma chi vivii jin ko kuu i.

Proverbios 15:6

Ñayii sa'a ja va'a ja ndaa ma chi ko ni'i ko tna'a i ja koneva'a i ve'e i ma, kovaa ñayii sa'a ja u'vi ma chi visi na ni'i i ja koneva'a i ma, kovaa ndimaa koo tnundo'o tnuneni nuu i ma.

Proverbios 21:12

Su'si iya sa'a ndaa sa'a ndija ma chi nde'ya nde'ya‑ni ya ve'e ñayii ka sa'a ja u'vi ma, te kua'a ya tnu'u te jin ndunda'vi jin ndukee maa i ja kuechi ja sukan ka sa'a maa i ja u'vi ma.