Proverbios 3:3 - New Testament Psalms and Proverbs in Mixtec Magdalena Peñasco

³ Másu ko ndunaa kuiti ro ja ko sa'a ro ja ndaa ja ndija ma. Te ko kutoo ndija ro in‑ka ñayii ma, te ku'un ku'un‑ni ini ro ja sukan ko sa'a ro ndaka kivi nde kua'an nde vee ro. Ûni másu ko ndunaa ro.

Proverbios 3:3 ပူးပေါင်းရင်းမြစ်များ

Salmos 119:11

Ini anua sa ya táva'a va'a sa ndaka tnu'u ká'an tnu'u káchi ni nuu sa a, sukan‑va'a ma ko sa'a sa ja u'vi te ko kuiso kuechi sa nuu maa ni, vi Su'si.

Salmos 25:10

Te chukan kúu ja ñayii ka kandija sukan ni ka'an ya ma, ndimaa jin kuni i sukan kútoo ña'a ya ma, ji'in sukan kúnda'vi ini ña'a ya ma, ji'in sukan ndija ya ja ká'an ya ma.

Salmos 85:10

Tnu'u nda'vi ini ma ji'in tnu'u ndaa ma, ni ka ndatna'a i. Tnu'u va'a tnu'u ndaa ma ji'in tnu'u kuee ma, ni ka ketna'a ini i.

Proverbios 1:9

Vaa ja vii ja va'a ko kuu nuu ro nde kua'an nde vee ro, sukan vii kaa in ja yoxtnee xini rey ma, xi sukan vivii na'a siki ñu'u sukun ña'a kuu reina ma.

Proverbios 14:22

Ñayii ka nduku ja nanimaa ja u'vi ma jin sa'a i ma chi jin ski'in i maa i te ma jin ndani'i i ichi ndaa ma, kovaa ñayii ñu'u ini ja sa'a i ja va'a ja ndaa ma chi kunda'vi ini ña'a Su'si ma te jin ndani'i i ichi ndaa ma.

Proverbios 16:6

Ñayii ûni kútoo ndija Su'si ma te sa'a i ja va'a ja ndaa ma chi ñatuu na kuechi kondiso i nuu Su'si ma. Ñayii yu'u Su'si ma ja iya ndákan kuenda kúu ya ma chi xndoo i ichi u'vi ma.

Proverbios 20:28

Tnu'u nda'vi ini ma ji'in tnu'u ndaa tnu'u ndija ma kúu ja chíndee chítuu rey ma ja núkoo va'a de tátnuni de ma.

Proverbios 6:21

Ndimaa ku'un ini tnu'u ya'a te ûni kuenda tnu'u ja kondeku ro,

Proverbios 7:3

Tava'a va'a ini anua ro a, te kinda'a kua'an kinda'a vee ro.

Mateo 23:23

’¡Nda'vi maa ni tee ka skua'a tnu'u ni kaxtnu'u Moisés ma, ji'in tee ka kuu fariseo a, ja ka ka'an ni te masu ka sa'a ni! Vaa saa ka jatanuu ni ja onde minu xtila ma ji'in anís ma ji'in cominu ma ka ndakua'a tu ni diezmo ni ma nuu Su'si ma, kovaa ni ka xndoo ni tna'a cha'a ja ka kuu i ja ka ndanuu‑ka ja ni tatnuni Su'si ma ja jin sa'a ni ma, ja jin kunda'vi ini ni tna'a ni ma, ji'in ja jin kukanu ini ni Su'si ma, ji'in ja jin ko sa'a ni ja va'a ja ndaa ma. Te vaa ndaka cha'a ka ndanuu‑ka ja jin sa'a ni, te suni nini ja jin ndakua'a tna ni nuu Su'si ma ndaka ja jâ ka ndakua'a ni ma.

2 Corintios 3:3

Sukan, te ndandaa na'a ja maa ni ka kuu carta ni tee Cristo ma te ni ka tetniñu maa sa, vaa ka sa'a o sukan kúni ya ma. Kovaa masu ji'in tinta ndee nuu carta ma chi maa Xtumani Su'si iya téku ma ni tee, te masu in nuu yuu ndee i chi in nuu kuñu vita, vaa ini anua o a ndee, vaa maa Xtumani Ndios ma sa'a ja ka sa'a o ja vii ja va'a a.

Efesios 5:9

Vaa ndaka ja ka sa'a ñayii ka iyo ji'in Xtumani Ndios ma kúu ja jin kava va'a ini i ma, ji'in ja jin sa'a i ja ndaa ndija ma, ji'in ja jin ka'an i ja ndaa ma,

Hebreos 10:16

Nuna jinu kivi yukan ma, te tnu'u ká'an sa ya, sukan sa'a sa ji'in ñayii ñuu Israel ma. Sa'a ká'an sa ja kuu sa Iya Tátnuni a. Te chunee sa tnu'u tátnuni sa a janitnuni i ma, te ini anua i ma tee sa tnu'u tátnuni sa a.