Proverbios 3:29 - New Testament Psalms and Proverbs in Mixtec Magdalena Peñasco

²⁹ Te máko ku'un ini ro ja sa'a u'vi ro ñayii iyo yatni ji'in ro ma, vaa kúkanu ini ña'a i ja masu na ja u'vi ko sa'a ro i.

Proverbios 3:29 ပူးပေါင်းရင်းမြစ်များ

Salmos 35:20

Vaa ñatuu nde ka nduku i ja jin koo mani i ji'in ñayii inukuee ini ma, su'va ka ndatnu'u tna'a i ja jin ke'en‑su'va i ñayii yukan.

Salmos 55:20

Vaa ñayii sa'a nanimaa ja u'vi ma chi onde nuu ñayii ka iyo mani ji'in i ma ni ndakuni u'vi i, te ñatuu ni sa'a i sukan ni skuiso i ja jin koo mani i ma.

Salmos 59:3

Vaa jini maa ni ja tee ka jani ini ja maa de ka kuu‑ka ma, ka nduku xeen de ja jin ka'ni ña'a de, te vitna ja masu na ja u'vi sa'a sa, te ni masu na kuechi sa, vi Su'si Iya Tátnuni.

Proverbios 14:22

Ñayii ka nduku ja nanimaa ja u'vi ma jin sa'a i ma chi jin ski'in i maa i te ma jin ndani'i i ichi ndaa ma, kovaa ñayii ñu'u ini ja sa'a i ja va'a ja ndaa ma chi kunda'vi ini ña'a Su'si ma te jin ndani'i i ichi ndaa ma.

Proverbios 6:14

Vaa nanimaa ja u'vi ñu'u ini anua i ma, te ndimaa ñu'u ini i ja sa'a i ja u'vi ma.

Proverbios 6:18

ñayii jani ini naxe sa'a i ja u'vi ma, ñayii ûni jinu i kua'an i ja sa'a i ja u'vi ma,