Proverbios 3:24 - New Testament Psalms and Proverbs in Mixtec Magdalena Peñasco

²⁴ Te ora jínkavatuu ro ma, te masu nawa koyu'u ro, te sii ini xeen kusu ro.

Proverbios 3:24 ပူးပေါင်းရင်းမြစ်များ

Salmos 112:8

Vaa jito va'a Su'si ma anua i ma, te másu nawa koyu'u i, onde kenda kivi kuni i sukan jin ndo'o jin neni ñayii ñatuu ka kunimani nuu i ma.

Salmos 127:2

Nú ñatuu kúkanu ini ni Sa'si ma, másu nde jiniñu'u ja ne'e‑ni ndakoo ni, te kusu kuee ni, te ndo'o neni ni sana ni'i ni nawa kaa ni ma. Vaa ñayii kúkanu ini Su'si ma chi kútoo ya i, te nani kixi i ma, te maa ya ndí ini naxe ni'i i nawa jiniñu'u i ma.

Salmos 3:5

Te sii ini‑ni jínkavatuu sa, te kixi sa, te sii ini‑ni ndóto sa, vaa maa Iya Tátnuni ma jito ña'a.

Salmos 3:6

Masu koyu'u sa, visi uxi mil soldado ni ka ndakonduu ña'a nuu iyo sa ma ja jin ka'ni ña'a de ma, vaa saña chi kúkanu ini sa ya, te kuña'a sa ya sa'a:

Salmos 4:8

Te chukan kúu ja sii ini‑ni jínkavatuu sa te sii ini‑ni kixi sa. Vaa maa ni, vi Iya Tátnuni, sa'a ni ja iyo sii ini sa te kúkanu ini ña'a sa, vi Su'si.

Salmos 91:5

Masu koyu'u ni ja îyo iyo jakuaa ma, ni a ja u'vi iyo nduu ma,

Proverbios 1:33

Kovaa ñayii kándija te sa'a i sukan ká'an tnu'u ndichi Su'si a chi koteku sii ini i, te ñatuu kuiti nawa koyu'u i.” Sa'a ká'an tnu'u ndichi Su'si ma.

Proverbios 19:23

Ja koyu'u o Su'si ma te ma ko sa'a o ja u'vi ma chi chindee ña'a i ja koteku o ni‑kani ni‑jika, te maa ya sa'a ja kusu sii ini o te ndatatu o, te ni‑in tnundo'o ma kenda nuu iyo o ma.

Proverbios 6:22

vaa ndaka tnu'u ka ka'an ka kachi yuva ro ma nuu ro ma, te ni'i ini ro naxe sa'a naxe kuu ro ndenu kua'an ndenu vee ro ma, te sa'a i ja kusu ro te ndatatu sii ini ro, te ora ndoto ro ma te kuenda tnu'u ja maa tnu'u yukan ká'an‑so'o nuu ro.

Hechos 12:6

Kivi yutnee ma, te kene'e Herodes ma Pedro ma nuu ñayii ma nkuu. Kovaa maa jakuaa yukan, Pedro ma jâ kixi de, te nu'ni de uu yo'o kaa, te ka ndeñu'u ña'a uu soldado. Te ka iyo tee ka jito ye'e vekaa ma.