Proverbios 3:23 - New Testament Psalms and Proverbs in Mixtec Magdalena Peñasco

²³ te ñatuu nawa ko ndi ini ro nde kua'an nde vee ro, vaa masu nawa sa'a ja kotuu ro ichi Su'si ro a.

Proverbios 3:23 ပူးပေါင်းရင်းမြစ်များ

Salmos 119:165

Te ñayii ka jatna ini te ka sa'a i sukan tátnuni ni ma chi ka iyo sii ini xeen i, te ñatuu‑ka nawa ja'nu ndee ja jin konukuiñi va'a i nuu ni.

Salmos 121:3

Vaa masu kua'a ya tnu'u ja kendeka ja'a o a, te ni masu kusu ya ja jito ñukuun ña'a ya.

Salmos 121:8

Te maa Iya Tátnuni ma koto va'a ña'a ndenu ni kee o kua'an o, te ndenda va'a o. Onde vitna te ni‑kani ni‑jika ko koto va'a ña'a ya.

Salmos 37:31

Vaa tnu'u tátnuni Su'si o ma, chukan ñu'u ini anua i ma, te chukan kúu ja masu kotuu i.

Proverbios 10:9

Ñayii jika ndaa jika ndija ma chi masu nawa yu'u i ndenu kua'an ndenu vee i vaa ja va'a sa'a i ma, kovaa ñayii sa'a ja u'vi ma chi ndí ini xeen i nasa yukan te ndatuu ja u'vi sa'a i ma.

Proverbios 2:8

Te ñayii sa'a ja va'a ja ndaa ma chi suni ñukuun jito ya i nde kuan koo ve koo i ka kuu i ma, te sa'a ya ja ndimaa ka iyo va'a i nuu ya ma.

Proverbios 4:12

Te nú ndenu kua'an ndenu vee ro ma chi ñatuu nawa kenda ja kasi i ichi ro ja skenaa ro maa ro, vaa jâ jini ro tnu'u ndichi a.

Proverbios 6:22

vaa ndaka tnu'u ka ka'an ka kachi yuva ro ma nuu ro ma, te ni'i ini ro naxe sa'a naxe kuu ro ndenu kua'an ndenu vee ro ma, te sa'a i ja kusu ro te ndatatu sii ini ro, te ora ndoto ro ma te kuenda tnu'u ja maa tnu'u yukan ká'an‑so'o nuu ro.