Proverbios 3:2 - New Testament Psalms and Proverbs in Mixtec Magdalena Peñasco

² Vaa sukan, te koteku ro kua'a xeen kuiya, te koo sii ini xeen ro, te koo va'a ro.

Proverbios 3:2 ပူးပေါင်းရင်းမြစ်များ

Salmos 119:165

Te ñayii ka jatna ini te ka sa'a i sukan tátnuni ni ma chi ka iyo sii ini xeen i, te ñatuu‑ka nawa ja'nu ndee ja jin konukuiñi va'a i nuu ni.

Salmos 128:6

Na koteku kani ni, te na kuni ni sukan jin koo vii jin koo va'a sa'ya tata ni ma. Na koo kuee te kóo vii kóo va'a ñuu Israel a.

Salmos 21:4

Ni jikan‑ta'vi de nuu ni ja kani kivi koteku de, kovaa maa ni chi ni jiña'a ni de ja ni‑kani ni‑jika koteku de.

Salmos 91:16

Te sa'a o ja koo sii ini i te koteku i kua'a xeen kivi ñuu ñayivi a, te kuni i ja ndimaa sa'a o ja kaku i nuu ja u'vi ma”, kúu ya ká'an ya.

Proverbios 10:27

Ñayii yu'u Su'si ma te ñatuu sa'a‑ka i ja u'vi ma chi kani kani koteku i, kovaa ñayii sa'a ja u'vi ma chi ndate'nde sava sukan iyo ja koteku i ma.

Proverbios 16:31

Ñayii jâ ni kuu nija'nu te jâ ni vixi xini i ma chi jayiñu'u kúu nú ni yo sa'a i ja vii ja ndaa ma.

Proverbios 4:10

Sa'ya maa ri, konini so'o te kuan‑ta'vi ro tnu'u ndichi ká'an ri a, te sa'a i ja koteku kani ro ñuu ñayivi a,

Proverbios 4:4

Te sa'a ni yo ka'an yuva ri ma nuu ri: “Tava'a ini anua ro a ndaka tnu'u ká'an tnu'u káchi ri a, te ko sa'a ro sukan tátnuni ri a, te koteku ro.

Proverbios 9:11

Vaa nuna kandija o te sa'a o sukan ká'an tnu'u ndichi Su'si ma chi sa'a i ja koteku kani‑ka o ñuu ñayivi a.

Romanos 14:17

Vaa nuu tátnuni Su'si ma, masu ja nawa kaa o xi nawa ko'o o kúu chi ña'a. Su'va ja jin ko sa'a ndaa jin ko sa'a ndija o te jin koo mani o te jin koo sii ini o kúu, vaa ka iyo o ji'in Xtumani Ndios ma, te sukan kúni ya ja jin ko sa'a o.

Romanos 15:13

Te maa Su'si ma na sa'a ja jin kukanu ini o ya ma, te maa ya na sa'a ja jin koo sii ini xeen o te jin koo mani o, ja ka kandija o ya ma, sukan‑va'a ja maa tnu'u ndee tnu'u ndatnu Xtumani Ndios ma, te sa'a ya ja jin kukanu ini xeen‑ka o ja jin ni'i o ja taa ya ma.

Romanos 5:1

Ja ni ka kukanu ini o Su'si ma, te ni ndasandaa ni ndasandija ña'a ya, te ja maa Jesucristo iya tátnuni nuu o a, te ni sa'a ya ja jin koo mani o ji'in Su'si ma.

1 Timoteo 4:8

Te kona'a ni ja ndaka ja sa'a ja kúu o sukan‑va'a koo‑ka tnu'u ndee tnu'u ndatnu yikikuñu o a chi vala‑ni chíndee ña'a i, vaa ja kuu yikikuñu o a‑ni kúu. Kovaa ja kútu'va o ja sa'a ja kuu o sukan játna ini Su'si o a chi ndaka tu'u chíndee ña'a i, vaa chíndee ña'a i ja koo va'a ini anua o a ji'in yikikuñu o a nuu Su'si ma, vaa jâ ni skuiso Su'si ma ja iyo ja jin ni'i o nani ka iyo o ñuu ñayivi ya, ji'in ja jin ni'i o kivi ndenda koo o nuu ya ma.